hrana-na-pod-poznatoto-pravilo-od-5-sekundi
Споделете со пријателите!

Дали е безбедно да се јаде храната која паднала на под ако не поминале повеќе од 5 секунди?
Ајде да бидеме искрени и да си признаеме колку пати сме го направиле ова? Колку пати сме си дале дозвола да ја изедеме храната која не била подолго од 5 секунди на подот? Јас сум сигурна дека многумина од нас го имаме направено ова затоа што сме верувале дека ако храната остане кратко време на подот, тоа нема да биде штетно по здравјето. Но дали е тоа навистина така или тоа е само мит кој нема никаква врска со реалноста? Благодарение на спроведени истражувања може да знаеме дали храната е навистина безбедна после неколку моменти на подот.

„Kоличината на бактерии пренесени на храната не зависи од тоа колку долго храната е во контакт со загадената површина“

Едно вакво истражување се фокусирало на тоа дали должината на времето што храната го поминува во контакт со контаминирана површина влијае на стапката на пренесени бактерии врз храната. За да се дознае ова, на делови од различни површини како плочки, тепих или дрво била ставена бактеријата салмонела. Пет минути откако салмонелата била ставена на површините, научниците ставиле храна на овие површини и ја оставиле да стои најпрво 5, па 30 и најпосле 60 секунди. На крај била измерена количината на салмонела која била пренесена на храната. Овој процес се повторил после 2, 4, 8 и 24 часа откако салмонелата била ставена на површините.

Според резултатите, количината на бактерии пренесени на храната не зависела од тоа колку долго храната била во контакт со загадената површина, туку од количината на бактерии што претходно биле на загадената површина. Видот на површина влијаел врз преносот на бактерии на храната исто така. На пример, теписите се многу подобро место за да ви падне храната отколку дрвото или плочките. Помалку од 1% од салмонелата се пренесол на храната која била во контакт со тепих. Но, кога храната била во контакт со плочки или дрво од 40% – 70% од бактериите биле пренесени.

Според ова, дали е безбедно да се јаде храна која паднала на подот?

Според научниците, многу мала количина на бактерии е доволна за да се разболите. Но, за среќа, постои и многу мала можност штетните бактерии да се најдат на површините во домот доколку се одржува добра хигиена. Најдобро е да внимавате домот да ви биде чист, затоа што бактериите можат да се пренесат и на многу други начини, а не само преку директен контакт на храната со загадената површина.

Прочитајте:  Важноста од здравствени работници Роми во здравствените установи

Споделете со пријателите!