emotivnata-sostojba-kaj-eni-so-rak-na-dojka
Споделете со пријателите!

Болката е неизбежна, но емоциите можат да се контролираат
По поставената дијагноза за рак на дојка, секоја жена се чувствува исплашено, шокирано и вознемирено. Чувствата на гнев, самообвинување и осаменост постојано се мешат и прават експлозија. Справувањето со психичките и физичките промени е тешко и исцрпувачко. Не постои правилен начин како треба да се чувствувате, но морате да најдете начин да ги неутрализирате негативните чувства. „Болката е неизибежна, но страдањето е избор“, е максима според која треба постојано да се придржувате.

Секој човек реагира различно, но најчести чувства се: шок, гнев, избегнување, грижа на совест, губење на независноста, осаменост, изолираност, страв и неизвесност.

Знајте дека постојат многу начини како да ги контролирате своите емоции.

  • Разговарајте и обидете се да им објасните на блиските низ што проаѓате.
  • Побарајте помош секогаш кога ќе ви биде потребна.
  • Не се изолирајте. Тоа може само негативно да влијае врз Вашата емотивна состојба. Не ги исклучувајте луѓето околу себе.
  • Информирајте се. Кога станува збор за болест не постојат глупави и непотребни прашања. Разговарајте со луѓе кои го поминале истиот процес на лекување.
  • Бидете реални. На почетокот, кога се открива поставената дијагноза, доаѓа чувството на неверување и одбивање на вистината. Ваквото однесување може да Ви наштети, бидејќи ако трае премногу долго, може да спречи навремено делување на третманот.
  • Разговарајте за гневот. Гневот е понекогаш добар, тој ќе ве мотивира да делувате. Разговорот со блиските ќе ви помогне да го канализирате чувството на страв и да го претворите во борба со желба да бидете излечени.
  • Бидете дисциплинирани. Одете на редовните прегледи, применувајте ги советите на лекарите примајте ги препишаните терапии, хранете се здраво, не наоѓајте изговор да не јадете, трудете се најмногу што можете.
  • Опкружете се со луѓе кои ги сакате. Поддршката е најважна. Луѓето кои Ве сакаат се грижат за Вас и тогаш кога не сте расположени и кога не ви се зборува.
Прочитајте:  Кацига за изолација од колегите

За крај, една мисла од познатата Ингрид Бергман – Ingrid Bergman која долги години се бореше со ракот на дојка: Времето се скусува, но секој ден јас го предизвикувам ракот и преживувам. Тоа е мојата победа.


Споделете со пријателите!