prva-pomos-pri-spontan-abortus_image
Споделете со пријателите!

Ако сте бремени и имате обилно вагинално крвавење, тешки абдоминални болки, грчеви, покачена телесна температура и постојано повраќање, задолжително побарајте стручна медицинска помош
Спонтаниот абортус претставува губење на плодот во првите 24 недели од бременоста, односно повеќето вакви случаи се појавуваат во првото тромесечје. Оваа медицинска појава претставува спонтан прекин на бременоста во фаза кога ембрионот или фетусот сè уште не е во состојба да преживее надвор од матката. Бременоста обично завршува во 40-тата недела (плус или минус две недели), при што плодот веќе ги има целосно развиено органите неопходни за преживување.

Оваа појава најчесто се случува во првите 13 седмици. 

Медицинските статистики покажуваат дека приближно 10% до 15% од сите бремености завршуваат со спонтан абортус. Дури 40% од овие спонтани абортуси се случуваат пред жената да биде свесна за својата бременост. Она што е важно да се наспомене е фактот дека колку е постара бремената жена, толку е поголем ризикот од појава на спонтан абортус. Жените на возраст над 35 години се изложени на многу поголем ризик.

Сепак, постојат неколку добро познати фактори што можат да ја зголемат веројатноста за спонтано губење на нероденото бебе: возраст, претходен спонтан абортус, пушење цигари (ја зголемуваат можноста за раѓање на мртво бебе), алкохол, употреба на  дроги, предозирање со лекови, дебелина, хипотироидизам и други хормонални пореметувања, синдром на полицистични јајници, инфекции за време на бременоста (како рубеола), ин-витро оплодувањето (што се објаснува со потребата од всадување на неколку ембриони во матката).

Што доведува до спонтан абортус? 

Во повеќето случаи, причината за појава на спонтан абортус останува непозната. Најчестите познати причини за оваа несакана појава за новите родители се:

  • Хромозомски абнормалности кај фетусот (помалку или повеќе хромозоми). Ова е најчеста причина во првото тромесечје. Лекарите сметаат дека ризикот од појава на хромозомски пореметувања се зголемува со возраста на мајката;
  • Проблеми со матката или грлото на матката – најчеста причина во второто тромесечје;
  • Оштетена јајце клетка (торбичка без фетус) или неембрионична бременост;
  • Лоша здравствена состојба на мајката (на пример тешка неухранетост, преголем стрес итн.).
Прочитајте:  Зошто срцевите удари се почести во јануари

Што треба да се преземе? 

Примарната цел при давањето прва помош на жена која страда од спонтан абортус е максимално обезбедување на физичкото здравје на жената:

1. Помогнете ѝ на жената да се смести во положба за одмор што најмногу ѝ одговара. 
2. Веднаш повикајте итна медицинска помош.
3. Следете ја состојбата на жената и сите промени.
4. Доколку има суви усни – навлажнете ѝ ги, но не ѝ давајте храна ниту течности.
5. Ткивата што ќе се ослободат од вагината треба да бидат предадени на лекарите за понатамошни испитувања.

Секундарната цел при првата помош кај спонтан абортус е максималната психолошка поддршка.  

prva-pomos-pri-spontan-abortus_image1

Помогнете ѝ на жената која на овој начин го изгубила плодот, да сфати дека животот продолжува понатаму, а со него и следните шанси за ново здраво зачнување. Побарајте помош од психолог или психијатар, приклучете се во групите за поддршка – жените кои веќе поминале низ ова непријатно искуство ќе ви бидат најдобро охрабрување. Доколку спонтаниот абортус е целосен и матката е чиста или доколку станува збор за рана бременост, како што велат експертите од WebMD, највообичаено нема понатамошно лекување. Но, доколку дел од феталното или плаценталното ткиво остане во утерусот, вашиот лекар најверојатно ќе ви препорача лекување со медикаменти или операција. Дискомфортот и оставањето дамки се вообичаена појава по спонтаниот абортус.

 Крварењето не секогаш значи дека нешто не е во ред со бременоста.

Доколку станува збор за доцна бременост и фетусот умрел во матката, тогаш лекарот ќе треба да го индуцира породувањето. Доколку пак, бременоста е здрава и покрај крвавењето, тогаш лекарот треба детално да ја прегледа идната мајка заедно со нејзиното идно дете и повнимателно да го следи текот на бременоста. Исто така, задолжително обратете се на лекар доколку по спонтаниот абортус забележите симптоми на инфекција (тешко крварење, треска или болка).


Споделете со пријателите!