Откријте ги причините за опстипација

Дознајте кои се најчестите причини кои што може да предизвикаат опстипација

Приближно 80 проценти од луѓето ширум светот патат од опстипација, така што голема е веројатноста точно да знаете за што станува збор. Не е едноставно да се живее со ваков проблем, а сепак многумина не преземаат никакви мерки и оваа состојба ја прифатиле како нормална. Доколку се занемарува, таа може да доведе до сериозни проблеми. Затоа, ќе ги наведеме најчестите причини кои што предизвикуваат опстипација, а можеби не сте ги знаеле. Најопшто кажано, опстипацијата зависи од начинот на живот. Од што поточно, дознајте веднаш.

Често патувате

При патување, се менува вообичаениот биоритам а со тоа и работата на цревата. Повеќето од нас имаат востановен начин на исхрана што го практикуваат секојдневно и таа навика се нарушува при секое патување едноставно заради промената. Затоа при патувања, лекарите и нутриционистите препорачуваат да се зголеми внесот на храна којашто е богата со хранливи влакна. Препорачаниот дневен внес на хранливи влакна треба да изнесува околу 25 грама.

Под стрес сте

Зголеменото ниво на стрес како и нередовниот сон, прават нерамнотежа во дигестивниот систем што резултира со проблеми при нормалното варење на храната. Постојат многу начини да се ослободите од стресот,  а најважно е да го препознаете. Намалувањето на стресот преку зголемена физичка активност и балансирана исхрана, значи регулирање и ослободување од опстипацијата.

Престанавте со вежбање

Придобивките од физичката активност се бројни, но сте одлучиле да престанете. Вашето тело се навикнало во ритамот на физичката активност, а промената од активност во неактивност најпрво се отсликува во работата на дигестивниот систем. Доколку сте престанале со вежбање, очекувајте да имате проблеми со опстипацијата, предупредуваат лекарите.

Дехидрирани сте

Водата е најважна за нормално функционирање на човекот и оптимално целокупно здравје. Таа не е важна само за хидратација, туку и како значајна помош на хранливите влакна. Имено, доколку консумирате храна богата со хранливи влакна но не пиете вода, ќе се соочите со опстипација.

Примате терапија со лекови против болки

Лековите што се земаат против болки, не можат да се прекинат, но нивните симптоми може да се ублажат. Познато е дека овие лекови предизвикуваат опстипација, затоа побарајте од вашиот лекар да ви препише и нешто за нормализирање на цревната флора. Исхраната како и додатоците во исхраната богати со магнезиум, го регулираат проблемот со опстипација.