hrabri-tvrdenja-za-mokjta-na-dietite-koi-se-baziraat-pretezhno-na-vegetarijanskiot-moment_image
Споделете со пријателите!

Една третина од рано настанатите смртни случаи може да се спречи со промена на диетата, велат научниците од Харвард-храбро тврдење вредно за евалуација
Според новите калкулации на научниците од Харвардската медицинска школа, до една третина од рано настанатите смртни случаеви би можеле да се спречат ако сите ние се префрлиме на вегетаријанска исхрана. Веќе има голем број докази за придобивките од не јадењето месо, но оваа најнова бројка е многу повисока од претходните проценки.

Истражувачите кои ги направија овие пресметки ги претставија бројките на четвртата меѓународна конференција во Ватикан на глобалната здравствена иницијатива за лекување во текот на Април 2018 година.

Трудот допрва треба да биде објавен во рецензирано списание, така што за сега има простор да бидеме скептични за овие бројки. Но, овие храбри тврдења се вредни за понатамошна истрага од научниците.

Проценките се разликуваат за различните земји, но околу 30 милиони смртни случаи секоја година низ целиот свет се класифицирани како „превентивни“ – оние предизвикани од работи за кои можеме да направиме нешто, како што се дебелината, пушењето, лошата исхрана и така натаму.

Намалувањето на ваквите бројки за една третина би било огромно достигнување.

Истражувачите од Медицинскиот факултет во Харвард, сугерираат дека придржувањето кон диета базирана на растителни продукти може да игра поголема улога од онаа што претходно беше претпоставувана. “Ние само што направивме некои пресметки како одговор на прашањето колку би можеле да ја намалиме смртноста доколку се премине кон здрава храна, претежно од растително потекло, која не е задолжително целосно вегетаријанска, а нашите проценки се дека околу една третина од смртните случаи може да се спречат”, вели еден од научниците од тимот Волтер Вилет, како што објави Телеграф.

„Тука не станува збор само за физичка активност, ниту само за пушење, туку за смртни случаи, кои се должат не само на овие фактори и рак. Влијанието и видот на исхраната е веројатно потценето“.

И покрај тоа, други учесници на конференцијата се согласиле дека вегетаријанската исхрана може да стори повеќе за да се сопрат смртни случаи што може да се спречат, и тоа повеќе отколку што претпоставуваат претходните студии.

На кратко, здравата исхрана има влијание врз речиси секој друг аспект на здравјето на телото.

Дејвид Џенкинс, од Универзитетот во Торонто, Канада, исто така, беше на настанот во Ватикан и ги презентирал своите истражувања во поглед на начинот на исхрана на горилата – богата со стебла, лисја, лози и плодови.

Прочитајте:  Како да се справите со надуеноста

Тука веќе секој човек кој би го прочитал ова тврдење би се замислил за начинот на спроведување на ваквиот режим на исхрана (тоа би значело 63 порции дневно од растително потекло). Кога истата диета била пресоздадена за луѓето, тоа довело до 35 отсто пад на нивниот холестерол за само две недели.

Па што е тоа што ги прави овие диети толку добро за нас?

Хранливи материи во правилно раководената вегетаријанска исхрана го намалуваат крвниот притисок, го намалуваат ризикот од срцев удар и го намалуваат индексот на телесна маса (BMI).

Во исто време, истражувањата покажаа дека јадењето одредени црвени меса го зголемува ризикот од рак.

Здравата исхрана има нескромно влијание и претежно вегетаријанската исхрана може да ни помогне во повеќе здравствени аспекти отколку само да изгубиме тежина. Но секогаш треба да го имаме во предвид фактот за тоа колку обезбедуваме протеини, калциум, железо и витамин Б12, кои обично ги обезбедуваме од месо. Значи дефинитивно не станува збор за една диета која е совршена за сите луѓе, но она што ова најново истражување го сугерира е дека намалувањето на месото може да биде подобро за нас отколку што некогаш сме сфатиле.


Споделете со пријателите!