Се зголемува бројот на пациенти кој ги почитуваат правилата за Мој термин
Се зголемува бројот на пациенти кои навреме го откажуваат закажаниот термин за преглед/снимање на кој не биле во можност да дојдат, но се уште е голем бројот на пациенти кои не се појавиле на закажаниот термин и претходно не го откажале, а дел од нив не се појавиле на закажаниот термин дури 14, 15 и 17 пати, покажаа резултатите од анализата на податоците на системот МојТермин.
Пациентите кои не можат да дојдат на закажаниот преглед, можат да го откажат со јавување на телефонскиот број 15 444 или со праќање СМС порака на бројот 144 194 со содржина број на упат. На презентацијата на резултатите од анализата на податоците на Мој Термин денеска на прес-конференција министерот за здравство Никола Тодоров рече дека откажувањето на термините за преглед/снимање изминатиот месец е за 8 отсто зголемено споредено со месец мај, односно во јуни биле откажани 25.668 термини, додека во мај биле откажани 23.806 термини.
Превземено од: Министерство за здравство на Република Македонија