prekumernata-debelina-go-zgolemuva-rizikot-od-pojava-na-8-vidovi-rak_image
Споделете со пријателите!

Научно истражување ја потврди поврзаноста помеѓу ракот и дебелината, откако успеа да идентификува осум видови на канцер коишто е поверојатно да се развијат кога пациентот има прекумерна дебелина
Според Светската здравствена организација (WHO) дебелината на светско ниво е повеќе од двојно зголемена од 1980 година. Од оваа болест на модерното време, во 2014 година страдале повеќе од 600 милиони возрасни личности. Како последица на дебелината, овие луѓе се изложени и на ризик од појава на серија други здравствени проблеми, меѓу кои и некои форми на рак. Во претходните истражувања, д-р Колдиц и неговиот тим ја докажаа врската помеѓу прекумерната дебелина и зголемениот ризик од појава на рак на дебелото црево, езофагусот, бубрезите, ракот на дојка и матка.

Сега научниците додадоа уште осум други видови на рак кон оваа листа. 

Научниците тврдат дека намалувањето на вишокот килограми и превенцијата на понатамошното дебелеење, може да помогне во намалувањето на ризикот од појава на осумте идентификувани типови рак. Д-р Греам Колдиц – Graham Colditz кој е епидемиолог за хронични болести од Универзитетот во Вашингтон. 

prekumernata-debelina-go-zgolemuva-rizikot-od-pojava-na-8-vidovi-rak_image1Наодите произлегуваат од темелен преглед на повеќе од 1.000 студии спроведени од страна на Интернационалната Агенција за истражување на ракот на СЗО. Истражувачите откриле доволно докази кои укажуваат на тоа дека вишокот килограми може да го зголеми ризикот од осум видови на рак, како прилог на петте досега идентификувани: рак на жолчното ќесе, рак на црниот дроб, Менингиом – форма на тумор на мозокот, Мултипен миелом – еден вид на рак на крвта, ракот на јајници, рак на панкреасот и рак на тироидната жлезда.

Истражувачите откриле дека колку е поголем BMI индексот на телесната тежина, толку е поголем ризикот од појава на овие видови рак. 

Д-р Колдиц истакнува дека врската помеѓу дебелината и ризикот од појава на рак е многу поголема отколку што се сметаше. „Многу од ново откриените форми на рак коишто се поврзани со зголемената телесна тежина не биле на екраните на радарите на луѓето коишто се дебели“ – вели тој. Според него многу е важен здравиот начин на живот. „Значителен број на Американци и светската популација се предебели. Ова е уште еден повик за освестување. Време е да се сфати нашето здравје и нашата исхрана сериозно“ – додава тој.

Прочитајте:  Што претставува сезонско афективно растројство?

„Факторите што произлегуваат од животните навики, како јадењето на здрава диета, одржувањето на здравата телесна тежина и вежбањето, како прилог на непушењето, може да имаат значително влијание во редуцирањето на ризикот од појава на рак. Напорите на јавното здравство за борбата против ракот треба да се фокусираат на овие работи врз коишто луѓето имаат некаква контрола“ – објаснува д-р Колдиц. Тој ги охрабрува сите кои имаат потешкотии во слабеењето, барем да не дозволуваат да се здебелат уште повеќе.

„Сите кои имаат потешкотии во слабеењето, барем да не дозволуваат да се здебелат уште повеќе“

„Наместо да се обесхрабруваат и откажуваат, оние кои се обидуваат да ја намалат тежината може да се фокусираат на избегнување на зголемувањето на телесната тежина“ – додава истражувачот. Покрај тоа што оваа студија не ги идентификува прецизно механизмите за врската помеѓу дебелината и ракот, истражувачите забележуваат дека прекумерното количество на телесни масти може да предизвика прекумерно ослободување на хормоните: естроген, тестостерон и инсулин, коишто можат да го поттикнат воспалението и воедно се податлива средина за развој на туморозните клетки.


Споделете со пријателите!