Доколку сте од оние кои што сакаат да се ослободат од несаканите влакна на телото со помош на ласер, потребно е да ги знаете ризиците што ги носи оваа процедура
Општопознато е дека рендгенските зраци и гама зраците се најопасни кога станува збор за ризикот од појава на рак. Овие зраци, исто така се познати и по своето јонизирачко зрачење со висока фреквенција. Вакво зрачење може да се појави во природата, но најчесто го произведуваат нуклеарните централи, но и медицинските скрининг тестови, како што е компјутерската томографија.
Оштетената ДНК подоцна може да доведе до појава на рак.
Кога јонизирачката радијација поминува низ телото, може да предизвика директно оштетување на генетската структура на клетките. Поради тоа, Американската агенција за храна и лекови (FDA) потенцира ласерските третмани за отстранување на влакна во козметичките салони да користат нејонизирачка радијација.
Ласерската депилација е безбедна
„Светлосната енергија од овие ласери всушност останува површна, на нивото на кожата. Овие ласери не предизвикуваат оштетување на ДНК и не предизвикуваат мутации на ДНК“ – истакнува д-р Витни Боу – Whitney Bowe, дерматолог од Њујорк.
Многу неинформирани жени се плашат од процедурата да отстрануваат влакна од интимните делови со ласер, но експертите велат дека не постојат причини за загриженост. Пулсирањата на светлосната енергија користени во третманите за отстранување влакна, се дизајнирани само да ги загреваат и уништуваат фоликулите на косата.
„Светлото кое се користи не навлегува под длабочината на фоликулите од влакната, така што внатрешните и плодноста, во никој случај не се изложени на влијание“ – вели д-р Константин Закашански – Konstantin Zakashansky, онколог од болницата Mount Sinai.
Кои ризици ги носи оваа процедура
И покрај тоа што ниту едно истражување досега не потврдило дека светлосната енергија од ласерите за отстранување влакна може да предизвика рак, сепак постојат одредени ризици, како иритација, црвенило, лузни и промена на бојата на кожата на третираните места. Д-р Боу тврди дека потребни се во просек шест сесии за да се постигнат одржливи резултати. Таа им препорачува на своите пациенти да доаѓаат секои две години за да се отстранат сите влакна кои успеале да преживеат и пораснат со текот на времето.
[interaction id=”570373a682287b5830f7936f”]Несоодветни кандидати за ласерско отстранување влакна се оние со тенок џеб, но и оние кои имаат светла боја на влакна. Д-р Боу го преферира бричењето, наспроти восочните депилации. Таа вели дека депилирањето со восок може да предизвика појава на болни поткожни влакна кои потоа можат да предизвикаат инфекција. Сепак, многумина се несмасни со бричот и најголем ризик кај бричењето се исечениците, па дури и повреда на вените и артериите.
