Офталмолошки преглед со смартфон [ВИДЕО]

Практичните видео снимки направени со паметен телефон, се од особено значење за офталмолошките операции, но и за обука на студентите по медицина

Офталмологот д-р Чан Јан Бонд – Chan Jan Bond, создава бројни иновации во телемедицината со помош на паметната технологија. Оваа страст кај очниот специјалист, се појавила за време на своите мастер студии во 2011 година, кога имал задача да прегледа пациенти од рурални области. 

Околината во која што најчесто вршел прегледи била гласна, а пациентите неписмени. Инструментите користени во болниците исто така биле стари, а снимките не биле од врвен квалитет. Обично офталмологот или оптичарот го снимаат предниот сегмент од окото со користење на едноставна камера која се фокусира преку окуларот на биомикроскопот. Д-р Чан ја усоврши оваа технологија, развивајќи адаптер за камерата со биомикроскоп, која што се приклучува директно преку окуларот на биомикроскопот. Оваа иновација им овозможува на специјалистите да снимаат видеа, корисни за снимање на задниот дел од окото. 

Д-р Чан користи камера и блиц од стандарден смартфон и создава црвен рефлекс што помага да се одреди дали пациентот има катаракта. 

„Овој адаптер е важен затоа што не секоја болница или клиника има камера со биомикроскоп. Во овие болници таквата камера не може да прави снимки. Со оваа иновација секоја камера со биомикроскоп може да биде конвертирана во целосно функционална камера за преден сегмент“ – објаснува д-р Чан. Доколку лекарот нема камера, тој може да го употреби својот смартфон со прикачување на биомикроскоп ламба и да направи слики. Видео снимките се есенцијална компонента на секоја операција, особено важни за процесот на учење – иако сите операции не се снимаат. 

„Доколку нешто се погреши, ние сакаме да ја вратиме снимката за да ја идентификуваме главната причина и областите за подобрување. Ова исто така е корисно во обучувањето на младите доктори“ – објаснува тој. „Сликите се важни за офталмолозите за да ги упатуваат случаите кон другите болници, да го следат напредувањето на болеста, за документација и за други медицинско-правни цели.

Камерите од паметните телефони се добри затоа што се евтини, преносливи и многу корисни, во споредба со конвенционалните камери.

Секоја камера од мобилните телефони со повисок квалитет може ова да го стори“ – истакнува Д-р Чан. Неговата втора иновација е смартфон видеографијата, којашто е продолжение на неговиот прв изум. „Повеќето од системите за снимање операции во главните болници се стари, не функционираат или ги нема. Јас сакав да ги подобрам методите што се достапни и ми требаше еден месец за да го направам првиот прототип“ – вели тој. Со помош од EZcast/AppleTV видеото е безжично пренесувано на ЛЕД телевизор правејќи го ова пренослив смартфон видео систем за операции.

Д-р Чан исто така создаде бесплатни апликации за паметен мобилен телефон.

Наместо да ја користи традиционалната снеленова таблица за да ја провери визуелната острина, тој ја дизајнираше апликацијата „Брз очен скрининг тест“ – REST која е бесплатна на Google Playstore и Apple Appstore. „Скринингот на видот е многу важен и постојат разновидни апликации за смартфон достапни на Google Playstore и Apple Appstore. Како и да е, повеќето од апликациите не се стандардизирани во мерењето, што ја намалува точноста. Јас ја создадов оваа апликација за брз скрининг, а воедно задржувајќи ја нејзината точност. Таа може да биде користена од страна на лекарите, родителите или професорите“ – вели тој. 

До сега голем број на локални болници имале потреба од неговата технологија за време на операциите. „Јас не сум во потрага по публицитет или пари и не продавам производи. Јас само сакам глобално да ги споделам моите идеи за и другите да можат да имаат придобивки од нив“ – заклучува Д-р Чан.

ВИДЕО: