sledenje-na-srceto-preku-smartfon_image
Споделете со пријателите!

Руските истражувачи направија ајфон апликација со која секој може да направи ЕКГ со помош за својот телефон
Кардиоваскуларните болести се едни од главните причини за смрт на глобално ниво, потврдуваат од Светската Здравствена Организација и зафаќаат околу 31 процент од пријавените случаи на смрт на светско ниво. За да се намали оваа стапка, потребни се редовни и навремени контроли. Имајќи го ова во предвид, тим на руски иноватори, создадоа лесен и пристапен начин за проверка на работата на срцето чија работа може да се следи од мобилен телефон.

За да направи ЕКГ на својот смартфон, корисникот на новата апликација CardioQVARK треба само да ги постави палците на двата сензори на специјално дизајнираната футрола. По точно пет минути ќе биде готов кардиограм, заедно со резултатите. Оваа апликација е овозможена благодарение на руските истражувачи, кои што создадоа специјален алгоритам за обработка на резултатите од ЕКГ. По завршувањето на прегледот, резултатите од истражувањето може да му се испратат на лекарот.

sledenje-na-srceto-preku-smartfon_image1„Стив Џобс ни стави компјутер во џебот. И сè стана џебно: банкарските трансакции, купувањето, телевизијата и филмот, книгите и временската прогноза“ – вели Александар Ежков, инвеститор на проектот CardioQVARK. Во светот постојат неколку преносни уреди кои прават ЕКГ во реално време, меѓутоа не нудат објаснување на резултатите. Тие што ја нудат оваа опција, потребна е доплата за дешифрирање.

Она по што CardioQVARK се разликува од нив, е автоматското дешифрирање на кардиограмот. Така, доколку корисникот има аритмија, апликацијата го покажува тоа. CardioQVARK засега работи само со Ајфон 5/5Ѕ, додека моделот за Ајфон 6/6Ѕ се планира да се појави годинава.

„Благодарение на новите технологии, компјутерот што го носите в џеб може да ја контролира работата на најважниот човечки орган, срцето“ – вели Ежков. 

Создавањето на CardioQVARK траело две години. Во создавањето на производот учествувале неколку компании и голем број на научници од цела Русија. Сите компоненти на уредот се направени во Русија. Според истражувачите, оваа направа може значително да го продолжи животниот век. Плановите во иднина вклучуваат усовршување и надградба на перформансите на направата, со цел показателите на ЕКГ да препознаат додатни параметри како возраст, емоционална состојба и штетни навики.

Прочитајте:  Знаеме ли што е добро за нашата кожа?

Според кардиологот Михаил Степанов, CardioQVARK има лимитирано користење. Тој истакнува дека иако направата покажува присуство или отсуство на аритмија, всушност не нуди информации за состојбата на срцевиот мускул а исто така не може да постави точна дијагноза при нарушување на ритамот, бидејќи ја регистрира само тековната контрола на срцевиот ритам. Исто така, тој смета дека и покрај информациите што ги нуди CardioQVARK, лекарите не можат да се потпрат на овие резултати, бидејќи им се потребни додатни и сеопфатни анализи.


Споделете со пријателите!