nova-mobilna-platforma-Figure1-za-vmrezuvanje-na-medicinskite-rabotnici-od-celiot-svet
Споделете со пријателите!

Со помош на оваа мрежа дијагнозите и начинот на лекување многу полесно можат да бидат одредувани, бидејќи лекарите од целиот свет ќе може да го споделат своето искуство и да го дадат своето мислење за секој споделен случај, а студентите пак, многу побрзо да учат преку конкретни примери
„Поврзи се со колегите. Откриј ги сликите според анатомија или специјалност. Разгледај разновидни медицински случаи од целиот свет бесплатно. Дискутирај за релевантните медицински случаи со глобалната здравствена заедница. Сподели ги своите наоди заштитувајќи ја приватноста на пациентите“ – гласи краткиот вовед на официјалната страница од новата платформа/апликација за iOS и Android. Оваа нова мрежа се нарекува Figure 1 и е наменета за вмрежување и поврзување на професионално ниво на медицинските професионалци и останати медицински лица ширум светот.

Figure 1 на медицинските работници им овозможува нов начин на модернизирана и брза соработка и комуникација, брз пристап до информации и експертизата, но и искуството од медицинскиот персонал ширум светот“

Мобилните телефони покрај своите негативни страни во огромна мера го унапредија човештвото и го олеснија животот. Сега не само што може да се бројат калориите со помош на апликација од мобилен телефон, туку може полесно да се воспостави дијагноза. Оваа мрежа за мобилни телефони, во споредба со сличните досегашни е бесплатна за симнување и инсталирање и е создадена за споделување на слики, коментирање и испраќање на пораки. Таа претставува алатка за професионална комуникација и консултација со колегите по струка од сите страни на Земјината топка. Докторите може да закачуваат слики, рендгенски снимки, резултати од испитувања, скенови, шеми, графикони и други документи и детали од историјата на болеста на пациентите за да добијат совет или мислење или пак, за да постават некакво прашање околу дијагнозата и терапијата.

Figure 1 на медицинските работници им овозможува нов начин на модернизирана и брза соработка и комуникација, брз пристап до клиничките информации од центрите, клиниките, ординациите и болниците од целиот свет, како и експертизата, но и искуството од медицинскиот персонал со кој е стапено во контакт преку платформата.

Figure 1 нуди многу високо ниво на фантастичен професионален увид на сите мистериозни заболувања и нарушувања со кои медицинските лица секојдневно се соочуваат.

Покрај можноста да се постираат коментари на слики, корисниците може да ја користат неодамна додадената функција за итните случаи со звучна нотификација. Ова им овозможува на работниците од медицинската индустрија да им испратат итна порака на релевантните специјалисти со помош на испраќање на сигнал на нивните телефони. Итните случаи може да се споделат со колегите и со помош на јавно постирање на платформата, па секој кој што ќе види и сака да го сподели своето мислење или да даде некаков коментар, тоа може да го стори.

Прочитајте:  Работилница за развивање национална здравствена стратегија „Здравје 2020“

И покрај тоа што овој програм може секој да го симне од Интернет, истиот не може да го користи секој. Апликацијата од секој корисник бара верификација на неговата лиценца или пак, да потврдат дека се студенти од некоја медицинска област. Оваа платформа предупредува дека не е наменета за користење од страна на луѓе кои лесно се згрозуваат, бидејќи многу од споделуваните документи навистина им се грозни за гледање дури и на лекарите, а камоли на луѓето кои не се дел од медицинскиот бизнис.

Фотографиите и останатите документи не може да бидат споделувани сè додека сите идентификациски белези на пациентот не се блокирани (тетоважи, вродени белези, болнички обележја на пример алки и сл.) Тимот што ја работи оваа платформа ја проверува секоја слика која што е постирана и веднаш ги отстранува сите документи кои ја овозможуваат идентификацијата на пациентот. Овој софтвер исто така поседува автоматска функција за цензурирање на лицето на пациентите, но и мануелна функција која им овозможува на корисниците да цензурираат и други делови од сликите.

Студент по медицина Фиагра Мегваер – Fiachra Maguire од Trinity College Dublin за своето искуство од користењето на оваа апликација како алатка за учење вели: „Често пати во медицината од нас се бара да учиме за широк спектар на болести од кои многу се невообичаени. Способноста за сите здравствени професионалци да споделуваат слики од симптоми на болести со помош на лесно достапна апликација за мене претставува огромна придобивка. Тоа претставува чекор напред во споредба со класичните учебници“.

До сега за одредени ургентни случаи потребно било стручно мислење за кое потребно било многу време. Сега со помош на оваа платформа тоа време значително е скратено, а самото мислење е многу поквалитетно бидејќи истото претставува комбинација од светското професионално искуство.

Со ова кај многу од ургентните случаи може ургентно да се делува и многу повеќе пациенти да бидат успешно излекувани и на време спасени.

„Многу од докторите ќе бидат во можност да дијагностицираат и третираат поголем дел од случаите. Но, со случаите кога тие ќе бидат зачудени од некој видлив знак, Figure 1 овозможува нов и модерен пристап за поставување на дијагноза“ – вели студентот.


Споделете со пријателите!