multitaskingot-e-zabluda
Споделете со пријателите!

Правење повеќе работи истовремено е преценета вештина
Активноста на извршување повеќе работи истовремено, популарно наречена мултитаскинг, само изгледа дека нѐ прави попродуктивни, но впрочем само нѐ успорува. Во време на премногу обврски и брз начин на живот, мултитанскингот сѐ почесто се применува. Без оглед дали сте едноставно презафатени или патите од хиперактивност и неможност за задржување на концентрацијата, мултитаскингот не ви помага. Иако е нашироко прифатено мислењето дека таа е ценета вештина, искуството покажува дека само одзема дополнително време за завршување на обврските. Да разгледаме зошто е тоа така.

Секоја активност бара поинаков пристап

„Доколку поставите приоритет на дневните обврски, сите можат да се завршат“

Колку и да се сметате за личност која може да направи сѐ што ќе посака, вашиот мозок едноставно не функционира така. Тој ви сигнализира и ве ограничува дека сепак, не можете сѐ оддеднаш. На секоја специфична активност потребно е соодветно фокусирање со цел успешно да се реализира. Па така, со работењето неколку работи истовремено, вие не завршувате целосно ниедна, бидејќи едноставно сте преокупирани, а мозокот има премногу команди, односно премногу точки на дневен ред. Тоа води до неповолна положба или ситуацијата, поточно:

Ви предизвикува стрес

Стрес не предизвикува само физичкиот аспект на мултитаскингот, односна борбрата и трчање на сите страни, туку и последиците. Знаењето дека не сте посветиле доволно време на задачата, ќе направи да имате помала самодоверба и да се чувствувате неспособни. Ова однесување може да доведе до проблеми како несоница и воопшто, до влошување на квалитетот на живот. Тоа води до третата точка, односно:

Прочитајте:  Дали патите од „Синдром на социјални медиуми“?

Не ги завршувате точно работите

Бидејќи брзате, немате време да посветите потребно време на една задача. Брзањето всушност ве успорува и прави да се чувстувате помалку способни. Едно истражување ги испитувало мултитаскинг вештините со анализа насочена кон возачи што возат и зборуваат на мобилен во исто време. Повеќето од нив, се сметале за добри во мултитаскинг. Токму тие покажале најлоши резултати при испитувањата за споспобноста при извршување повеќе работи истовремено.

Како да си помогнете

Најважно е да поставите приоритет. Не може сите работи што си ги имате поставено како дневни обврски, да имаат иста тежина. Едноставно започнете од најважната или од најтешката. Не е потребна некоја строга организација на времето, само одредете ги приоритетите во вашиот живот. Направте план и придржувајте се до него, извршувајќи ги обврските една по друга. На овој начин, ќе се чувствувате успешно, реализирано и ќе имате повеќе време за нештата и луѓето што ги сакате. 


Споделете со пријателите!