Доколку користиме антибиотици тогаш задолжително треба да паралелно да користиме соодветен пробиотик!
Есенско – зимскиот период од годината традиционално е време на тешка и масна исхрана. Особено во предновогодишниот период на прослави кој е во полн ек, па и потоа во јануари, значајно е зголемен внесот на месо, пржени производи и сува храна воопшто како и на алкохол и цигари. Овие навики предизвикуваат влошување на негативните дигестивни симптоми, па честопати имаме проблеми со надуеност, гасови, киселини, дијареа или запек. Причината за ова е пред се нарушувањето на нивото на добрите бактерии во цревата како и нарушување на желудечната функција. Цревата на човекот се природно колонизирани од многу различни микроорганизми – бројот се движи од 10 милиони до 14 милиони видови, кои ги нарекуваме цревна микрофлора. Тие се корисни во процесите на варење на храната а според истражувањата од последните години особено се значајни и за имуниот одговор на нашиот организам, меѓу другото и бидејќи се борат со патогените и не им дозволуваат да се населат во нашиот организам и штетно да делуваат.
Не треба да заборавиме дека во овој период од годината студеното време и загадениот воздух иницираат зголемување на инфективните заболувања што само по себе условува зголемена примена на антибиотици.
Антибиотиците се многу важни лекови за третман на бактериски инфекции но сепак тие делуваат неселективно т.е. заедно со патогените бактерии ги уништуваат т.н. добри бактерии присутни во цревата. Ова доведува до непријатни гастроинтестинални тегоби од тип на дијареа и мачнина како и до пад на имунитетот. Токму затоа е исклучително важно антибиотиците да не се користат на своја рака , туку само по препорака од лекар. Доколку користиме антибиотици тогаш задолжително треба да паралелно да користиме соодветен пробиотик кој ќе ја врати здравата микрофлора на цревата во рамнотежа и на тој начин ќе ги намали штетните ефекти на антибиотската терапија – во прв ред ќе ја спречи дијареата. Притоа пробиотиците треба да се земат 3 часа пред или после антибиотикот со цел да стигнат во цревата во комплетен број.
Пробиотиците се живи непатогени бактерии кои му користат на домаќинот така што ја колонизираат и стабилизраат цревната микрофлора и така ги спречуваат гореспоменатите несакани симптоми. Особено е важно да бидат во комбинација со пребиотици, кои се нивна храна и овозможуваат соодветно да се размножат во цревата, како и да бидат спакувани во желудечно резистентна капсула со цел да ја преживеат киселата средина во желудникот.
Неколку практични здравствени совети како да го зачуваме цревното здравје во празничниот период?
- Внесувајте доволни количини на течности – идеално 2-3 литри вода дневно. Водата со додаден лимон е одлична за детоксикација на организмот, особено наутро до 12 часот кога способноста за прочистување на органзимот е најголема. Не заборавајте да вклучите солени супи во исхраната или барем користете раствори на ОРС кои се клучни за здрава столица и целокупното наше функционирање.
- Внесувајте свеж, сезонски зеленчук и овошје секојдневно, во количини од 300-400 грама. Овошјето и зеленчукот се основен извор на витамин Ц и цинк кои се клучни за имунитетот а освен тоа се одлични за добро варење на храната.
- Внимавајте внесот на алкохол и цигари да биде умерен! Алкохолот не дехидрира што води кон лоша столица, а заедно алкохолот и цигарите го иритираат желудникот и цревата и ги зголемуваат ризиците за појава на гастрит или чир.
- Најдете време за вежбање и физичка активност (најмалку 3 пати неделно по 30 минути) бидејќи е особено важно за правилен метаболизам и мотилитет на цревата.
- Ако сте во можност посетете спа центар. Комбинацијата на базен и сауна еднаш неделно, е идеална за детосикација, топење на мастите и подигнување на вашиот имунитет.
- Немојте да користите антибиотици на своја рака! Антибиотиците не се ефикасни при настинка, грип и вирусни инфекции, туку само ја нарушуваат дигестивната микрофлора и го ослабуваат вашиот имунитет.
- Повремено користете пробиотски препарати кои ја стабилизираат цревната микрофлора и помагаат во регулацијата на варењето на храната.
