Kај високоризичните бремености потребно е внимателно и постојано следење или нега во текот на целата бременост.
Високоризичната бременост покрева многу прашања кај мајката. Дали ми е потребна посебна пренатална нега? Дали моето бебе ќе биде во ред?
Ако имате предиспозиции за високоризична бременост за вас или вашето бебе може да биде зголемен ризикот од здравствени проблеми пред, за време или по породувањето. Обично, кај високоризичните бремености потребно е внимателно и постојано следење или нега во текот на целата бременост.
Кои се факторите на ризик за високоризична бременост?
Понекогаш високоризичната бременост може да биде резултат на медицинска состојба којашто била присутна пред бременоста. Во други случаи, медицинска состојба којашто се развила во текот на бременоста може да постане ризик за мајката и нејзиното бебе.
Посебни фактори кои можат да влијаат и да го зголемат ризикот за јавување на високоризична бременост вклучуваат:
- Постара возраст на мајката
Високоризичните бремености со поголема стапка се јавуваат кај мајките постари од 35 години.
- Начин на живеење
Пушењето цигари, пиењето алкохол и употребата на одредени лекови може да ја загрозат бременоста, како и здравјето на мајката и бебето.
- Историја на заболувања
Историја на хронична хипертензија, дијабетес, нарушувања на срцето, проблеми со дишењето како и лошо контролирана астма, инфекции и нарушувања на коагулацијата на крв, како што е длабока венска тромбоза, може да ги зголемат ризиците за јавување на високоризична бременост.
- Историја на операции
Мината операција на матката, вклучувајќи царски рез, абдоминални операции или операција на тумор на матката (фиброиди), може да го зголеми ризикот за високоризична бременост.
- Компликации во претходна бременост
Различните компликации кои се развиваат во текот на бременоста може да претставуваат ризик за идна бременост. Примерите вклучуваат абнормална позиција на плацентата, фетален раст помал од 10-от перцентил за гестациска старост и Rh-фактор (Резус-фактор) – потенцијална сериозна состојба која може да се случи кога крвната група на мајката е Rh-негативна, а крвната група на бебето е Rh-позитивна.
- Повеќекратна бременост
Ризикот за високоризична бременост е повисоки кај жените кои носат близнаци, тројки и сл.
Кои чекори може да ги преземете за да се осигурите дека имате здрава и безбедна бременост?
Без разлика дали знаете предвреме дека се соочувате со поголем ризик да имате високоризична бременост или едноставно сакате да направите сè што е можно за да спречите високоризична бременост, треба да внимавате на некои основни работи.
- Консултирајте се со доктор пред да планирате бременост
Ако размислувате да забременувате препорачливо е да се консултирате со вашиот доктор за вашето здравје. Ако имате некоја од гореспоментатите медицински состојби, третманот на истата можеби ќе треба да се прилагоди така што вашето тело би се подготвило за идната бременост.
- Консумирајте здрава исхрана
За време на бременоста ќе ви треба повеќе фолна киселина, протеини, калциум и железо. Разговарајте со вашиот лекар ако имате посебни потреби за исхрана поради здравствена состојба, како што е дијабетес.
- Внимавајте да одржите здрава телесна тежина
Нормалната и здрава телесна тежина може да го поддржи здравјето на вашето бебе и да го олесни отстранувањето на дополнителните килограми по породувањето. Разговарајте со вашиот лекар за да одредите која тежина е идеална за вас и вашата идна бременост.
- Избегнувајте ризични супстанци
Цигарите, алкохолот и одредени лекови треба да се избегнуваат доколку планирате бременост. Доколку пушите или земате некои лекови консултирајте се со вашиот лекар за нивното влијание на вашата идна бременост.
