kako-da-i-pomognete-na-vasata-prijatelka-koja-ima-rak-na-dojka
Споделете со пријателите!

Неколку начини на кои можете да ѝ помогнете на болната пријателка во моменти кога ѝ сте најпотребни
Не е попусто кажано дека пријателот се гледа тогаш кога ни е најтешко. Доколку на Вашата пријателка ѝ е дијагностициран рак на дојка, бидете тука за неа. Понудете ѝ емотивна и конкретна помош за полесно да го помине најтешкиот животен предизвик. Најважно е да не се трудите по секоја цена да се ставите на нејзино место, бидејќи не сте, но пробајте да разберете и да дознаете што навистина ѝ треба. Обидете се да ја сфатите болката и да помогнете низ процесот на операции и третмани со тоа што ќе бидете тука за неа кога е потребно. Бидете обзирни, стабилни и проценете ја ситуацијата. Покажете дека се грижите.

Емотивна поддршка

Не давајте совети – Секако дека сакате да помогнете, но обидете се да не давате совети од сѐ што сте прочитале за болеста. Почнете да слушате. Многу е важно да сфатите дека Вие не треба да го пронајдете решението за секој проблем. Едноставно слушајте со отворено срце и ум, дозволете ѝ да каже што навистина мисли и чувствува.

kako-da-i-pomognete-na-vasata-prijatelka-koja-ima-rak-na-dojka_1
Давање утеха
– Никако не велете дека има и полошо. Ова во никој случај не помага и може да предизвика само отпор кај Вашата пријателка. Најдобар начин за утеха е едноставно дружењето. После преглед, одете на кафе и пробајте да ја расположите со тоа што ќе се присетувате на смешни случки.

Не критикувајте – Вие не знаете како таа точно се чувствува, затоа не критикувајте предвреме. Дозволете ѝ да ви ја опише својата болка, своите стравови и обидете се ја смирите кога е вознемирена.

Прочитајте:  Дали јадете „храна за возрасни“?

Бидете стрпливи – борбата со ракот е навистина буквална борба. Бидете соборец, бидете стрпливи и тогаш кога ги повторува истите стравови, кога е во паника или нервозна. Борабата често е проследена со измешани емоции како знак на страв и беспомошност.

Почитувајте ја приватноста – Доколку ви се доверила, не кажувајте наоколу за тоа. Тоа може да предизвика негативни последици. На пример, некој не толку близок може да ја праша некое конкретно прашање за кое сте знаеле само Вие, па на тој начин Вашата пријателка ќе се чувствува уште поранливо.

Фокусирајте се на личноста – не на неговата болест. Таа е истата личност како и пред болеста. Не се осмелувајте да ја третирате поинаку.

Практична помош

Наместо да кажете дека сте тука во секое време, понудете конкретна помош.

Транспорт – Понудете се за превоз. Превозот е многу важен за одење на терапии и испитувања. Барањето превоз знае да биде доста мачно и напорно, па доколку сте во можност, секогаш однесете ја Вашата пријателка каде и да е потребно.

Домашни обврски – купете ѝ ги потребните продукти, направете ѝ ручек или доколку има мали деца, најдете време да ги чувате почесто, за таа да може да одмори и да собере сила која ѝ е најпотребна.


Споделете со пријателите!