Утврдено е дека изворот на протеини може да има важна улога во регулирањето на растот на децата.
Една нова студија од истражувачите од Факултетот за медицина на CU утврди дека внесот на протеини од цврста храна има значително влијание врз растот на новороденчињата во текот на првата година од животот.
Студијата била спроведена со цел да открие дали протеините од млечни или од месни производи можат да придонесат за раст и зголемување на телесната тежина кај новороденчињата. Во студијата биле вклучени 64 бебиња што биле класифицирани во група бебиња коишто дополнително јаделе млечни производи и група бебиња коишто јаделе месо, покрај нивната млечна формула и овошјето и зеленчукот.
„Утврдивме дека изворот на протеини може да има важна улога во регулирањето на растот на децата. Секое новороденче има различен тек на растење и развивање, особено кога станува збор должината, во зависност од тоа дали освен со млечна формула било исхранувано со дополнителна храна што се базирала на месо или млечни производи“, потенцираше Мингуа Танг, професор по педијатрија, кој ја предводеше студијата.
Студијата којашто беше објавена во „American Journal of Clinical Nutrition“ е можеби прва од ваков тип којашто имала за цел да го оцени ефектот на протеините од други извори врз растот на новороденчињата во текот на првата година од животот. Ваквиот тип на студии може да обезбеди инструкции за начинот на кој бебињата би требало да се хранат засновани на докази кои можат да дадат долгорочни придобивки за овозможување на оптимален раст и спречување на прекумерна телесна тежина.
За да се спроведе студијата истражувачите регрутирале семејства со доенчиња на возраст од три до пет месеци коишто биле исхранувани со формула. Потоа бебињата биле поделени во две групи и биле исхранувани со комплементарни млечни и месни производи. На дневното мени на едната група новороденчина, освен вообичаената млечна формула, биле додадени пиреа од месни производи, додека на другата млечни производи, како јогурт, сирење и концентрат од протеини од сурутка. Во период од 5 до 12 месеци состојбата на новороденчињата била следена и тие биле мерени за должина, тежина и обем на главата. Дополнително, пред започнувањето на студијата и повторно на крајот на студијата им биле земени примероци од крв.
Различните извори на протеини не покажале значителни разлики во однос на вкупното количество на калории, протеини и масти кај новороденчињата бидејќи двете групи покажале слични количини на истите.
Кога станува збор должината, пак, комплементарната храна базирана на месо покажала линеарен раст кај новороденчињата. Анализата покажала дека просечната должина се зголемила во групата на бебиња коишто јаделе месо и се намалила во групата бебиња коишто јаделе млечни производи. Во исто време, пак, просечната тежина на одредена должина значително се зголемила кај групата на бебиња што јаделе млечни производи во споредба со во групата на бебиња коишто јаделе месо.
