Етиологијата на инфантилните колики се уште претставува енигма
Инфантилните колики се вбројуваат во највообичаените проблеми во раната неонатална возраст. Етиологијата на заболувањето се уште претставува енигма. Природниот тек на коликите со спонтано губење на симптомите на возраст од 3-4 месеци го прават иследувањето потешко. Овие колики може да перзистираат и во доцниот доенички период.
Настануваат кај бебиња кои се на природна исхрана-неисправно држење на бебето при доење, кога голта воздух, но почести случаи се кај оние кои се на адаптирани млека заради неисправно држење на шишето и неполна цуцла при што детето голта воздух (причина за колики). За грчевите кај бебињата причина е и нездрава храна на мајката (сувомесни производи, газирани пијалоци, паштети, грав, зелка, пушење). Во исхраната на мајката треба да доминираат овошјето и зеленчукот, значи витамини и минерали, без конзерванси и адитиви.
Инфантилни колики најчести се ноќе проследени со: плачење, вознемиреност на бебето (а и на родителите), движење на долните и горните екстремитети, и со немање сон и на бебето и на родителите.
При секое доење се препорачува да се отстрани воздухот со подригнување и со масажа на стомакот, но не секогаш бебето се смирува. За смирување на овие бебешки грчеви, мирен сон на бебето и на родителите, постојат пробиотици (Lactobacillus reuteri) во вид на капки наменети за доенчиња и деца, кои помагаат за смирување на плачот и болката предизвикани од инфантилни колики. Препаратите кои ја содржат оваа пробиотска култура се доста ефикасни и имаат низа предности во однос на останатите производи на база на симетикон:
- се даваат кај новороденчиња од раѓање, доенчиња и кај постари деца;
- се даваат еднаш дневно;
- имаат добар ефект и кога детето прима антибиотик (да се дадат најмалку три часа после давањето на антибиотик);
- немаат мирис и вкус;
- не давааат алергии и не содржат глутен
- може да се даваат со млеко, со сок и вода
Со континуирана употреба на пробиотик (Lactobacillus reuteri) се намалуваат инфантилните колики односно се сведува бројот на часови поминати во плач на помалку од три часа месечно и како резултат на тоа имаме мирно и наспано бебе, но и среќни родители.
Д-р Султана Асани – специјалист педијатар
