probiotici-vo-tretman-na-stomachni-grchevi-kaj-doenchinja_image
Споделете со пријателите!

Грчеви или колики придружени со континуирано плачење се честа појава кај новороденчињата, статистиката вели дека се јавуваат кај секое пето бебе
Според статистичките податоци, кај едно од пет бебиња се јавуваат колики т.е грчеви. Овие грчеви се придружени со континуирано плачење, најмалку 3 дена во неделата често во ист период од денот. Иако коликите се вознемирувачки и за бебето и за родителите, тие не траат долго, се појавуваат во втората недела и почнуваат да исчезнуваат во четвртиот месец.

Симптомите вклучуваат: клоцање, триење на нозете, правење тупаници, цврсто стомаче, појава на гасови и бљуцкање после јадење.

„Пробиотиците ја зајакнуваат мукозната бариера и даваат микробна разноликост во цревата.“

Причината за инфантилните колики сеуште е непозната. Некои од причините за кои се претпоставува се: промена на фекалната микрофлора, интолеранција на лактоза, недоразвиен гастроинтестинален тракт, слаба техника на хранење. Пробиотиците се предмет на истражување на се поголем број на студии. Се покажало дека бебињата со колики имаат голема концентрација на организми како Escherichia coli и протеобактерии кои формираат гас. Колонизацијата со одредени интестинални микроорганизми како Bifidobacterium и Lactobacillus кај бебињата можат да помогнат при третман на грчеви. Пробиотиците ја зајакнуваат мукозната бариера и даваат микробна разноликост во цревата. Тие можат да ја намалат концентрацијата на протеобактерии и да редуцираат интестинална инфламација. Се претпоставува дека протективниот ефект на пробиотиците се должи на способноста да индуцираат експресија на антиинфламаторни гени, подобрувајќи ја функцијата на цревата и мотилитет и редукцијата на висцерална болка. Некои од факторите кои се поврзани со интестиналната флора се зависни од возраста, што објаснува зошто инфантилните колики исчезнуваат кај шестиот месец. Во една студија каде се испитувал ефектот на Lactobacillus reuteri, се покажало дека во групата третирана со Lactobacillus reuteri дневно се намалиле часовите на плачење, а се зголемиле часовите на спиење уште во првата недела.

Прочитајте:  Супербубачки отпорни на антибиотици

Покрај суплементите кои се даваат против инфантилните грчеви, се препорачуваат и следниве методи со цел да се намали болката кај бебињата: апликација на топол термофор врз стомачето на бебето, чаеви од нане или анасон, како и капење и масажа во топла вода.

Д-р Виктор Мурџев, специјалист педијатар

PharmaS_ProbalansBabyProtect_main_baner_700x90


Споделете со пријателите!