Конзумирањето на вистинските нутриенти е посебно е круцијално во текот на бременоста
Бременоста е највозбудливото и најсреќното искуство во животот на жената, меѓутоа е истотака збунувачќи период за идните мајки. Во тој период додека се знае дека некои работи како алкохол, цигари и морска храна треба да се одбегнат, a има и некои од витамините, минерали или хербални суплементи кои треба да се земаат или некои да се избегнат.
Конзумирањето на вистинските нутриенти е важно како во секој стадиум во животот, посебно е круцијално во текот на бременоста бидејќи мајките на тој начин се негуваат и себеси и бебето. Еден од круцијалните витамини кои се најважни во текот на бременост да се користат е фолната киселина, синтетска форма на витамин Б9, истотака познат како фолат. Фолната киселина помага за да се превенираат дефекти на невралната туба и сериозни дефекти при раѓање на мозокот. На пазарот во Република Македонија, исто како и во европските земји има и друга форма на фолна киселина, односно 5MTHF (5methyltetrahydrofolate), активен облик на фолната киселина. Голем број испитувања покажаа присуство на неметаболизирана фолна киселина во телото која понатаму доведува во дефекти кај плодот и затоа најдобро е да се зема во овој активен облик за целосна искористеност.
Железо – истотака еден есенцијален минерал потребен да се зема во бременост. Препораката е да се зема 18-27 mg дневно. Пожелно е да се користи микроенкапсулирано железо, па на тој начин да се одбегнат стомачните тегоби и вкусот на метал во устата. Се користи за да се спречат анемии, кои се честа компликација при бременост.
Витамин Ц – недостаток придонесува до покачен артериски притисок, отоци на раце, лице и нозе, анемија и раѓање на премногу мало бебе
Витамин Д – помага во процесот на вградување на калциум во коските
Витамин Б6 – помага за намалување на замор и исцрпеност и учествува во регулација на хормонска активност.
Витамин Б12 – помага во намалување на замор и исцрпеност и учествува во процесот на делба на клетките.
Цинк – придонесува за нормална плодност и репродукција,нормална синтеза на ДНК и учествува во процесот на делба на клетките.
Калциум – овозможува развој на коскеното ткиво на плодот
Магнезиум – недостаток предизвикува слабост, грчеви во мускулите замаеност и зголемена подложност на стрес.
Бакар – придонесува за заштита на клетките од оксидативен стрес.
Јод – придонесува за нормална функција на штитната жлезда и нормално производство на хормоните на штитната жлезда.
Д-р Елизабета Никодиновска, специјалист гинеколог – акушер
