svetski-den-na-alchajmerova-bolest_image
Споделете со пријателите!

Алцхајмеровата болест се јавува на секои 3 секунди ширум светот.
Светскиот ден на Алцхајмеровата болест се одржува секоја година на 21 септември со цел да се подигне свеста за предизвиците и тешкотиите со кои се соочуваат луѓето со Алцхајмерова болест и нивните семејства, како и за да се делува за намалување на стигмата што ја опкружува деменцијата.

Светскиот месец на Алцхајмеровата болест за првпат се одржал во 2012 година. Настанот бара интензивни напори за подобрување на здравствената заштита и поддршка на пациентите и нивните семејства. Според Здружението на Алцхајмерова болест, околу 46 милиони луѓе ширум светот живеат со деменција. До 2050 година, кај повеќе од 13.150.000 луѓе се очекува да се појави оваа болест којашто статистички гледано се јавува на секои 3 секунди.

svetski-den-na-alchajmerova-bolest_image1Две од секои три лица на глобално ниво веруваат дека има мало или никакво разбирање за деменцијата во нивните земји. Влијанието на Светскиот ден на Алцхајмеровата болест е во пораст, но стигматизацијата и дезинформацијата што ја опкружува деменцијата останува глобален проблем кој бара глобална акција.

Факти за Алцхајмеровата болест

  1. Алцхајмеровата болест е најчеста форма на деменција којашто не се смета за нормална појава во процесот на стареење;
  2. Не секое губење на меморијата е поврзано со Алцхајмерова болест. Алцхајмеровата болест вклучува оштетување на деловите од мозокот задолжени за когнитивните, говорните и мемориските вештини, што е поризично од заборавеност и расеаност;
  3. Кај жените е поголем ризикот за заболување од Алцхајмерова болест;
  4. Едукацијата може да го намали ризикот за заболување од Алцхајмерова болест;
  5. Присуството на срцева болест може да го зголеми ризикот од појава на Алцхајмерова болест.
Прочитајте:  7 Април, светски ден на здравјето

Цели на овогодишниот Светски ден на Алцхајмерова болест

  1. Подобрување и подигнување на свеста за Алцхајмеровата болест;
  2. Помагање на луѓето да се запознаат со бројот на начини кои може да помогнат оваа болест да се спречи, како преку промена на нивниот животен стил;
  3. Поттикнување и охрабрување за обезбедување на подобрена здравствена заштита за пациентите со Алцхајмер и нивните семејства;
  4. Обезбедување на центри за поддршка за сите фази на болеста;
  5. Идентификување на болните од Алцхајмеровата болест и започнување глобални кампањи за промена на политиките усвоени од различни држави во соработка со Светската здравствена организација;
  6. Проценка и развивање на здравствените и социјалните услуги кои се обезбедуваат за пациентите со Алцхајмерова болест.

Споделете со пријателите!