Донирањето на органи од живи луѓе е во постојан пораст
Донирање претставува давање на орган или ткиво на некој на кој има потреба од трансплантација. Жена од Шкотска неодамна стана најстариот донатор и тоа во 107-та година од животот. Таа ги донирала рожниците кои помогнале млад пациент да гледа. Во Шкотска има доста случаи на постари луѓе кои ги донираат своите органи.
Постојат три случаи на донирање органи:
- Кога телото на човекот е живо, но поради многу тешка повреда на неговиот мозок повеќе не е во состојба да функционира (коматозна состојба). Во овој случај, лицето е целосно зависно од апарати, не може самостојно да дише и потенцијалот за свест му е изгубен засекогаш. Во тој случај, доколку семејството дозволи, може човекот да се исклучи од апарати, а здравите органи да се искористат за други лица на кои им се потребни.
- Циркуларна смрт – Се однесува на загуба на функцијата на срцето и белите дробови. Исто така, може да се планира повлекување на одржувањето на третманот врз пациентот во единицата за интензивна нега или Одделот за итна медицинска помош.
- Жива донација – Додека сте живи можете да донирате бубрег , мал дел од вашиот црн дроб, коска од колкот или коленото и плацентата.
Факти и заблуди за донирањето:
Заблуда: „Ако одлучам да ги донирам органите, персоналот во болницата нема доволно да се грижи за мене“.
Факт: Ако сте повредени – приоритет е да се спаси вашиот живот. Донирањето се разгледува доколку лекар потврди дека лицето е починато и покрај сите напори.
Заблуда: „Донирањето е против мојата религија“.
Факт: Донирањето е речиси оправдано во сите религии. Доколку се двоумите- разговарајте со некој кој е компетентен за тоа.
Заблуда: „Имам помалку од 18 години, не можам да донирам“.
Факт: Да, тоа е така. Но вие може да им ја пренесете својата волја на родителите, а тие да ја пренесат во ваше име.
Заблуда: „Премногу сум стар за да ги донирам моите органи“.
Факт: Доколку вашите органи се функционални според дозволените параметри, нема никаква препрека.
Заблуда: Богатите луѓе имаат приоритет во добивањето органи.
Факт: Приоритети нема. Кога вас ќе ви дојде ред за добивање орган, нема никаков друг фактор кој би можел да влијае.
Во продолжение уште неколку факти:
- Органите се класифицирани според крв и ткиво, големина на органите, итни случаи, време и географска локација.
- Здравствената состојба во моментот на смрт ќе утврди дали, и кои ткива и органи можат да бидат донирани.
- Може да се донира: срце, бубрези, бели дробови, панкреас, црн дроб, црева, рожница, кожа, тетиви и коски.
- Дури и да сте ја навеле својата желба за донирање во Државникот регистар за донатори, одлуката споделете ја со вашето семејство.
- Донаторот не добива никакви средства за донирањето, а операцијата е платена.
- Информации за донаторот се забранети, освен доколку семејството на донаторот се согласи да се објават.
- Донирањето од живи луѓе постојано се зголемува.
