slusanjeto-muzika-go-zabrzuva-zakrepnuvanjeto-posle-operacija
Споделете со пријателите!

Музиката ни помага да закрепнеме побрзо и ја намалува болката
Музиката има позитивно влијание врз нас затоа што не релаксира и го подобрува нашето расположение. Меѓутоа, ваквото позитивно влијание не завршува тука. Според едно истражување направено на Универзитетот Брунел во Лондон – Brunel University, музиката ни помага побрзо да закрепнеме после операција, а исто така ја намалува болката што може да се појави како последица од операцијата.

„Слушањето музика не го намалува времето кое пациентот го поминува во болница, но ја намалува болката“

Според научниците кои го спровеле ова истражување слушањето музика пред, за време и после операција ја намалува болката и ја смалува потребата за аналгетици. Кај пациентите на кои им било дозволено да се релаксираат слушајќи ја нивната омилена музика прагот на болката се поместил за две места подолу на скала од 1 – 10, односно тие пациенти чувствувале помалку болка. Исто така, на тие пациенти им биле потребни помалку лекови за намалување на болката и биле помалку вознемирени. Кај пациентите кои слушале музика пред операција ефектот на музиката бил поголем отколку кај пациентите кои слушале музика само за време и после операција. Сепак, слушањето музика додека пациентот е свесен придонело за поефективни резултати.

Откако ги испитале резултатите од 7000 пациенти, научниците заклучиле дека пациентите кои треба да се соочат со операција треба да имаат право да си изберат музика што би сакале да ја слушаат за да максимално се почувствува горенаведениот ефект од музиката. Според Кетрин Мидс – Catherine Meads, музиката како евтин и безбеден начин за намалување на болката треба да им биде достапна на сите на кои им претстои операција. Слушањето музика не го намалува времето кое пациентот го поминува во болница. Исто така, треба да се земе во предвид дека сите пациенти се различни и дека за некои од нив музиката нема да биде најдобриот избор за закрепнување после операција. Некои луѓе преферираат да бидат во тишина или да гледаат телевизија наместо да слушаат музика.

Ова истражување само го поткрепува фактот дека музиката е значајна за било кој аспект од нашиот живот.

Благодарение на трудот на научниците кои биле дел од овој процес сега знаеме дека музиката има позитивно влијание и врз нашето здравје. Слушањето музика кога ни претстои некој стресен настан, како на пример операција, ни овозможува да се релаксираме и да не се фокусираме на болката или на вознемиреноста туку на пријатното чувство кое го предизвикува музиката.

Прочитајте:  Зимски колачи за имунитет

Споделете со пријателите!