Споделете со пријателите!
Внимавајте да не се прејадувате за празниците ако не сакате слободните денови да ги поминете на Токсикологија
Велигден е период кога се јаде многу калорична храна, многу јајца и јагнешко месо, затоа медицинските лица апелираат на умереност во јадењето и консумирањето алкохол. Мрсната храна може да ја наруши работата на дигестивниот систем, па затоа наместо обилни ручеци, јадете неколку помали оброци дневно. Исто така, задолжително зголемете го внесот на вода и свежи намирници. Верниците кои постеле треба особено да внимаваат, и за време на овие денови да внесуваат полесни оброци и многу свежо овошје. Исто така, ризична група на луѓе се и оние со срцеви заболувања, дијабетичарите и лицата со висок крвен притисок. Храната во големи количини може да ви направи сериозни здравствени тегоби и да завршите во итната медицинска помош. Здравствени проблеми кои што најчесто се појавуваат овој период како последица од прејадување се: подуеност на стомакот, нелагодност, мачнина, гадење, нагон за повраќање, па се до посериозни компликации како воспаление на жолчката.
Споделете со пријателите!
