kako-da-se-izbegne-mamurlakot_image
Споделете со пријателите!

Прочитајте што да направите за да го избегнете мамурлакот 
Мамурлакот всушност произлегува директно од пиењето на малку повеќе алкохол отколку што е потребно и знае да биде вистински кошмар, особено за тие што не знаат колку им е доста. Главоболката и гадењето рано наутро дефинитивно ќе ве натераат да размислите дали нареден пат ќе се препуштите во рацете на алкохолот. Постојат различни начини на кои може да се справите со мамурлакот штом ќе се разбудите, но исто така можете да направите неколку работи кои всушност ќе ја спречат неговата појава наредното утро.

Хидратација

Алкохолот има чудно дејство врз нашиот организам. За време на пиење имаме зголемена потреба од уринирање бидејќи алкохолот е познат диуретик. За да не дехидрирате добро би било да пиете вода пред и за време на пиењето алкохол.

Јадете обилен оброк

За да се спречи мамурлакот се препорачува да се изеде добар оброк. Доколку сакате да ја избегнете таа тешка, утринска ситуација најдобро би било да се одлучите за калоричен оброк. Празниот стомак прави алкохолот да се апсорбира многу побрзо отколку полниот стомак. И секако, алкохолот има многу помали шанси да ви го уништи следниот ден доколку внесете калорична храна додека си наздравувате со пријателите.

Земете витамини

Витамините се исто толку важни како и добрата хидратација на организмот. Витамините му помагаат на телото да ја задржи водата што ја пиете. Витаминот Б и Ц помагаат во задржхување на некои од клучните витамини и минерали кои се губат како резултат на дејствувањето на алкохолот.

Внимателно со различните алкохолни пијалоци

„Препорачливо е да изберете еден вид на алкохол и да се држите до него. Мешањето на различни алкохолни пијалаци може директно да се поврзе со мамурлакот наредното утро“

Видот на алкохол кој го одбирате може многу да влијае на тоа како ќе се чувствувате наредниот ден. Препорачливо е да изберете еден вид на алкохол и да се држите до него. Мешањето на различни алкохоли може директно да ве поврзи со мамурлакот наредното утро. Кога зборуваме за видот на алкохол се препорачува да се избере бистар (на пример: вотка) наместо обоен (на пример: виски) алкохолен пијалак и поскап наместо евтин. Пијалаците кои содржат повеќе шеќер (на пример: црвено вино) вообичаено се поврзуваат со мамурлакот.

Прочитајте:  Што значи крајот на школската година за родителите

Повеќе вода помеѓу пијачките

Пиењето на чаша вода помеѓу пијачките ќе ви помогне да консумирате помалку алкохол и ќе го одржи потребното ниво на хидратација. Исто така, испијте чаша вода пред спиење и оставете една покрај вас која може да ви послужи во текот на ноќта или пак наредното утро.

Мамурлакот зависи и од други фактори, но овие совети навистина можат да ви помогнат да си поминете супер на наредната забава и што е најважно од сè да се разбудите без главоболка наредното утро. Сепак, и покрај сето ова, најдобриот можен совет за да го избегнете мамурлакот е да пиете умерено.


Споделете со пријателите!