Бременоста е период кога може да се јави неодолива желба за одредени храни или аверзија кон храна која можеби до настанување на бременоста била омилена
Мирисот на кафе можеби бил предизвик пред да сте бремени но сега и помислата на него предизвикува гадење. Надмоќниот копнеж за кисели краставички или сладолед преовладува кај поголем број од бремените жени.
Бременоста е период кога може да се јави неодолива желба за одредени храни или аверзија кон храна која можеби до настапување била омилена.
Околу половина од сите идни мајки се справуваат со аверзија кон една или повеќе храни.
Утринската мачнина настапува од прилика околу првата недела на бременоста и може да трае само во првиот триместар но може да продолжи во текот на целата бременост. Како и да е овие појави остануваат една од многуте мистерии во текот на бременоста.
Дали е ова само хир на бремената или има медицинска основа?
Гинеколозите ова го поврзуваат со промена на хормоналниот статус особено со покачување на нивото на Хорион гонадотропен хормон. Овој хормон има голема улога во настанување на бременоста и неговите вредности се движат во нагорна линија до 14 та недела од бременоста, за потоа да почне да се намалува . Функцијата на Човечки хорион гонадотропин се поврзува со рецепторот LHCG на јајниците и го промовира одржувањето на жолтото тело за време на почетокот на бременоста. Ова му овозможува на жолтото тело да го лачи хормонот прогестерон за време на првиот триместар. Прогестеронот делува на зајакнување на крвните садови и капиларите кои ја обложуваат матката со цел таа да може да го издржи одржи фетусот кој расте.
Други промени кои може да се јават во текот на бременоста од типот на промена во вкусот и мирисот, зголемено лачење на плунка исто така може да имаат хормонална подлога.
Бремените жени треба да внесуваат дополнителни 300 калории на ден. Значи, доколку сте од оној тип на бремени кои имаат зголемени вкусови потреби и при тоа без никаква аверзија кон храна треба да внимавате да не се доведете себе си во неволја заради зголемениот калориски внес.
Што можете да направите кога чувствувате зголемена желба за храна во тек на бременоста:
Обидете се да ги избегнете храните кои немаат никаква нутритивна вредност. Потрудете се да го одвлечете своето внимание со кратка прошетка, читање книга или разговор со некој близок.
Доколку чувствувате потреба за јадење на супстанции кои вообичаено не се за јадење како што се глина, пепелили некој други супстанции, обратете се на лекар бидејќи оваа состојба е позната како „Пика“ и може да е знак на нутритивен дефицит особено на железо.
Што може да направите доколку постои аверзија кон храна:
Ако аверзијата кон храна за време на бременоста е до тој степен да води кон ограничување на внес на храна со нутритивна вредност и при тоа освен мачнина предизвикува и повраќање консултирајте се со вашиот гинеколог да ви предложи одобрено решение кое нема да му наштети на плодот.
Без оглед на тоа дали постои аверзија на храна… бремените жени треба да запаметат дека тие јадат за двајца. Но тоа значи стремеж за балансирана исхрана – не двојно зголемување на износот на храната што ја јадат.
