evatar-zhenskiot-reproduktiven-sistem-staven-na-chip_image
Споделете со пријателите!

Научниците направија минијатурен репродуктивен тракт кој одговара на големина на дланка и кој би можел да ја промени иднината во третман на многу состојби кои го засегаат женскиот репродуктивен систем
Научниците направија минијатурен репродуктивен тракт кој одговара на големина на дланка и кој би можел да ја промени иднината во третман на многу состојби кои го засегаат женскиот репродуктивен систем (рак, ендометриоза, неплодност).

„На Еватар (Ева и аватар) функционираат 5 органи (комори) поврзани заедно со течност која симулира крв“

Тимот од Northwestern University заедно со Teresa Woodruff, директор на Институтот за женско здравје, направија микрофлуидна платформа на која се наоѓаат 5 ткива заедно. Чипот е наречен Еватар (Ева и аватар) и на него функционираат 5 органи (комори) поврзани заедно со течност која симулира крв и која ги носи хормоните, лековите и други микромолекули до ткивата на различните органи. Јајцеводите, матката и грлото на матката на Еватарот се направени од човечко ткиво, а јајниците се добиени од ткиво на глушец, бидејќи ретко се отстрануваат здрави човечки јајници. Петтиот орган е црниот дроб кој ги метаболизира лековите.

Еватар прави буквално мимикрија на човечкиот менструален циклус.

Научниците за да го започнат репродуктивниот циклус, додаваат фоликулостимулирачки хормон ФСХ. Во ЕВАТАР системот што предизвикува продукција на естроген во јајниците од глушец (естроген и прогестерон се молекули кои се идентични кај човек и глушец). 14 Дена подоцна е додаден лутеинизирачки хормон кој ги стимулира јајниците да ја отпуштат јајце клетката. Јајце клетката во еватарот останува во комората која го претставува јајникот, но сепак во втората комора која е обложена со ткиво од човечки јајцеводи (фалопиева туба), започнува да се однесува како јајцето да поминува низ неа. Третата и четвртата комора обложени со ткиво на матка и грло на матка соодветно произведуваат рецептори за хормоните. Еватар е револуционерна технологија во која на динамичен начин се создава комуникација помеѓу клетките на различните органи наместо досегашното статично нивно поставување во лабараториски садови.

Микрофлуидниот уред претставува мала кутија со серија кабли и пумпи кои предизвикуваат медиумот (крвта) да тече помеѓу различните органи и со тоа се овозможува функција на органите како што функционираат во живо.

„Новата 3Д технологија ќе им помогне на научниците да направат безбедно тестирање на нови лекови кои се однесуваат на женскиот репродуктивен систем“

Оваа нова 3Д технологија ќе им помогне на научниците да направат безбедно тестирање на нови лекови кои се однесуваат на женскиот репродуктивен систем, како и да се разбере механизмот на настанување на карциноми, неплодност, фиброиди и ендометриоза (кои ја афектираат 80% од женската популација). Проектот „Еватар“ е дел од еден поголем проект на Националниот институт за здравство т.н. „тело на чип“ со кој се цели развивање на индивидуализирана медицина и со која точно ќе може да се видат потенцијалните несакани ефекти на лекот врз органите на човекот и врз кои ќе може да се направи иницијално нивно тестирање пред да се направи тестирање на лекот врз луѓе. 

Прочитајте:  Како лековите можат да влијаат врз способноста на управување со автомобил

Споделете со пријателите!