Студија докажа дека постарите мајки имаат помала тенденција строго да ги прекоруваат и физички да ги воспитуваат своите деца
Неодамнешна студија спроведена во Данска докажа дека постарите мајки, односно мајките на возраст над 35 години, подобро ги израснуваат и воспитуваат своите деца на социјално, емоционално и психолошко ниво, отколку помладите мајки. Научната студија, објавена во Европскиот дневник на развојната психологија, докажува дека постарите мајки се постабилни и подобро едуцирани од помладите мајки, аспекти што имаат позитивно влијание кога станува збор воспитувањето на децата.
Истражувањето беше спроведено преку испитувања на околу 4,741 мајки во Данска и нивните деца на 7, 11 и 15 години. Истражувачите дојдоа до заклучокот дека помладите мајки се посклони кон вербално и физичко воспитување на своите деца, отколку постарите мајки, како и дека децата со постари мајки имаат помалку потешкотии и проблеми на социјално, емотивно и психолошко ниво за разлика од оние со помлади мајки.
Настрана од ова истражување, претходни студии исто така имаат покажано дека постарите мајки посмирено ја поминуваат бременоста, како и дека имаат попозитивна мисла во однос на мајчинството, отколку младите мајки.
Меѓудругото, едно истражување неодамна спроведено на Економското учичиште во Лондон, докажа дека децата на мајки на возраст поголема од 35 години имаат тенденција да бидат попаметни и поразумни од децата родени од млади мајки. Како што се потенцира во студијата, ова се должи на повисокото ниво на едукација коешто е вообичаено кај постарите мајки.
Додека претходно беше докажано дека овие фактори може да влијаат позитивно во воспитувањето на децата само додека се на рана возраст, оваа студија покажува дека истите имаат позитивно влијание и во периодот од 7-та до 10-та година. „Луѓето вообичаено стануваат психички пофлексибилни и потолерантни со текот на годините и оттука, јасно е зошто психолошката созреаност може да влијае позитивно на начинот на воспитување на децата“, потенцираше Дион Сомер, ко-авторот на научната студија и професор по психологија на Универзитетот во Орхус, Данска.
