Оваа пролет глуварчето нека биде додаток на вашите свежи салати
Глуварчето е одамна познато кај нас како народен лек и билка што може да се јаде. Последниве години неговата популарност расте, најмногу заради тоа што се смета дека неговиот корен помага при лечење на рак. Научниците откриле дека коренот од глуварче функционира подобро од хемотерапијата, бидејќи ги препознава и ги отстранува само клетките зафатени од ракот без несакани ефекти. И додека истражувањата треба во иднина дополнително да се спроведуваат и додатно да се потврдуваат, здравствените придобивки од глуварчето се многубројни и тоа помага при многу здравствени состојби.
Пролет е вистинското време за да се набере, а може да се исуши и да се употребува цела година. Почнувајќи од овој период па сè до октомври, глуварчето може да се види насекаде, но доколку сакате да го консумирате и да користите како лек, треба да се набере од чиста средина, никако од градски двор, бидејќи ги апсорбира отровите и загадениот воздух.
Подготовка на глуварчето
Овој период може да се јаде салата од лисјата на глуварчето, додека за подготовка на чај, мед и сок од глуварче, потребни ви се сушени лисја, цветови и корен. Пролетната салата од глуварче се прави од многу млади листови, кои се берат пред глуварчето да процвета. Младите листови може да се додаваат и на други свежи салати и да се ставаат во чорби. Доколку сакате да ги исушите, претходно е потребно коренот да го исечете на кругови и заедно со листовите да се суши на 40 степени неколку часа. На тој начин ќе ги снема вишокот на киселини кои што можат да го надразнат желудникот при консумирање на чајот.
Лековити својства
Глуварчето е моќен антиоксиданс и диуретик. Оваа билка е богата со есенцијални масла, масни киселини, протеини, витамини A, B1, B2, B3, C i E, калциум, магнезиум, манган, калиум, селен, цинк итн.
Го чисти организмот
Глуварчето не само што го јакне организмот, туку и му помага на телото да се ослободи од отровите. Салатата од млади лисја од глуварче ја прочистува крвта и ја чисти кожата.
За подобро варење на храната
Листовите на глуварчето се богати со каротиноиди и бројни со витамини и минерали, како и органски киселини. Горчливите материи од билката го подобруваат варењето на храната и го поттикнуваат процесот на слабеење, бидејќи делува и како диуретик, односно го отстранува вишокот на вода која што се задржала во организмот. Заради своите антибактериски својства може да се користи и при лечење на воспаление на бубрег и уринарни инфекции.
