pomalku-bemki-ne-znacat-zdrava-koza
Споделете со пријателите!

Ново истражување за меланом. Со помалку бемки повисок е ризикот за добивање рак на кожа
Оние кои имаат малку бемки се изложени на повисок ризик од агресивен меланом за разлика од оние кои имаат повеќе бемки, открива новото истражување. Според лекарите, кожниот карцином покажува постојан растечки тренд кој се предвидува дека ќе продолжи да се зголемува во наредните 15 години.

Најновото истражување предупредува дека без оглед на бројот на бемките, редовната контрола е неопходна, бидејќи според новите сознанија, токму оние кои имаат помалку младежи, се изложени на поголем ризик.

Биле испитувани 281 пациент со дијагностициран меланом кои ја посетиле бостонската болница во период од 2013 до 2014 година. Од сите пациенти, 89 од нив имале над 50 бемки на кожата, додека останатите 192 пациенти имале помалку од 50 бемки.

Истражувачите од студијата потсетуваат дека мора да се вршат редовни контроли на кожата, бидејќи ако се открие меланом во рана фаза, може да се лекува. Американската академија за дерматологија, издаде прирачник, водич кој помага за подобро препознавање на знаците кои значат можно заболување од кожен карцином. За самостоен преглед, во водичот се препорачува да се внимава на следните промени:

  • Симетрија. Промена на симетријата на бемката. Проверете дали е иста на двете половини;
  • Форма. Промена на кружната форма по нејзините рабови или недефинирани рабови;
  • Боја. Промена на бојата на бемката;
  • Големина. Проверете ја ако е поголема од 6мм во дијаметар;
  • Развивање. Ако се менува/зголемува со тек на време.

Сè уште не е докрај точно објаснето зошто помалку бемки значат повисок ризик од заболулање. Се претпоставува дека оние кои имале повеќе бемки, биле повеќе едуцирани за болеста од својот лекар и повеќе оделе на редовни прегледи со можност за рано откривање и лечење. Исто така, научниците открија дека останати фактори кои влијаат на агресивноста на меланомот се генетичките мутации на телото и разликите во нивниот имунолошки систем. За целосен и точен заклучок, Д-р. Ким – Kim Caroline C и нејзиниот тим предлагаат да се направи пообемно истражување со цел да се добијат попрецизни информации.

Прочитајте:  Најголемите хипохондрици во хороскопот

Во меѓувреме, заштитете се колку што можете повеќе. Избегнувајте солариуми, секогаш заштитувајте ги вашите деца од сончевите зраци, често правете проверка на младежите и помалку изложувајте се на сонце. 


Споделете со пријателите!