Споделете со пријателите!

Во 2016 година, Американската академијата за исхрана и диететика излезе со изјава дека растителната храна може да ги обезбедат сите нутритивни потреби кај човекот.
Сè повеќе и повеќе луѓе се заинтересирани за вегетаријанската или веганската исхрана или за едноставно намалување на консумацијата на производи од животинско потекло. Оваа промена на секојдневното мени, односно намалувањето или целосното отфрлање на месото и производите од животинско потекло од секојдневната исхрана денеска е полесна заради сè поголемата достапност на растителна храна богата со хранливи материи.

„Исхраната заснована на растителни култури може да биде одличен извор на протеини и други хранливи материи, често со помалку калории од животински производи.“

Многумина во светот и во Македонија го одбираат вегетаријанскиот начин на исхрана заради различни причини поврзани со своето здравје или заради здравјето и благосостојбата на животните. Други, пак, не ги претпочитаат овие начини на исхрана бидејќи се скептични во врска со тоа дали вегетаријанската и веганската исхрана можат да ги обезбедат сите хранливи материи коишто ни се потребни за добро одржување на здравјето. Тие, исто така, зборуваат за разликите помеѓу животинските и растителните протеини и за тоа дали протеините од раститетелно потекло може да бидат добри извори на протеини. Имено, многумина сметаат дека не секој протеин има иста вредност за луѓето и иако голем број растенија се богати со протеини, сепак, постојат разлики поради кои понекогаш ни се потребни токму протеини од животинско потекло.

Сепак, во 2016 година, Американската академијата за исхрана и диететика излезе со изјава дека вегетаријанската или веганската исхрана може да ги обезбедат сите нутритивни потреби на возрасните, децата, како и бремените жени и жените-доилки.

Но добивањето доволно протеини и есенцијални витамини и минерали може да биде потешко за луѓето кои не јадат месо или производи од животинско потекло бидејќи тие треба целосно да се насочат на обезбедување доволно протеини, калциум, железо и витамин Б-12 преку растителната храна.

Некои растителни производи, како што се сојата и киноата се комплетни кога стануваат збор протеините бидејќи ги содржат сите 9 есенцијални аминокиселини што им се потребни на луѓето.

Следниве 8 производи се добар избор на здрава храна од растително потекло којашто содржи протеини:

Тофу и темпех

Производите од соја се меѓу најбогатите извори на протеини во исхраната базирана на растителни производи. Содржината на протеини варира од тоа како се подготвува сојата. Тофуто и темпехот содржат добри нивоа на калциум и железо, што ги прави здрава замена за млечни производи.

Прочитајте:  Грозјето го намалува ризикот од појава на срцеви болести

Тофуто, исто така, може да биде замена за месо. Имено, тоа е популарна замена за месо во некои јадења, како кунг-пао пилешко и слатко-кисело пилешко.

Леќа

Црвената и зелената леќа содржат многу протеини, влакна и други есенцијални хранливи материи, вклучувајќи ги железото и калиумот. Леќата е одличен извор на протеини и таа може да се приготви како чорба, а може и да биде додаток во салата или ориз.

Наут

Варениот наут содржи високо количество протеини, околу 7,25 g на ½ чаша. Наутот може да се јаде како топло или ладно јадење, или како додаток во разновидни јадења, како што се чорбите. Наутот може да се консумира и приготвен во рерна и зачинет со пиперка или да се комбинира со хумус, што е здрава алтернатива на путерот.

Кикиритки

Кикиритките се богати со протеини, како и со здрави масти и можат да го подобрат здравјето на срцето. Тие содржат околу 20,5 g протеини на ½ чаша. Путерот од кикирики е, исто така, богат со протеини, содржи околу 8 g во една лажица. Оттука, сендвич со путер од кикирики може да биде здрава протеинска закуска.

Бадеми

Бадемите содржат околу 16,5 g протеини по ½ чаша. Тие, исто така, обезбедуваат добра количина на витамин Е и затоа се одличн за одржување на здравјето на кожата и очите.
mali-seminja-golemi-zdr-prodobivki_image1

Киноа

Киноата е житна култура којашто содржи големо количество протеини. Варената киноа содржи 8 g протеини по чаша. Оваа жито, исто така, е богато со други хранливи материи, вклучувајќи магнезиум, железо, влакна и манган. Киноата може да ги замени тестенините во супи и чорби, а може да се користи и како главно јадење или додаток во салата.

Чиа

Чиа семето е нискокалорична храна, богата со влакна и здрави омега-3 масни киселини. Тоа е комплетен извор на протеини и содржи 2 g протеини по една лажица. Семето од чиа може да се додаде во појадокот или ужината и да се консумира заедно со било кое овошје, јогурт или млеко.

Спирулина

Спирулината е сина или зелена алга која содржи околу 8 g протеини на 2 лажици. Исто така, таа е богата со хранливи материи, како што се железото, некои од витамините Б и манган. Спирулината е може да биде додаток во вода, пијалак или овошен сок. Исто така, може да се користи како зачин во салата или други закуски за да ја зголеми содржината на протеини.


Споделете со пријателите!