5-raboti-za-chovechkiot-mozok_image
Споделете со пријателите!

Левата хемисфера на мозокот е повеќе сконцентрирана за употребата на јазикот, додека десната хемисфера на емоциите и невербалната комуникација.
Мозокот е орган којшто е сместен во централниот нервен систем и управува со повеќето од активностите што се одвиваат во нашите тела и ги обработува информациите и дразбите во и надвор од нашето тело.

„Машки мозок тежи во просек околу 1.336 грама, додека женски мозок околу 1.198 грама.“

Колку се големи нашите мозоци?

Големината на мозокот варира во голема мера и зависи од возраста, полот и целокупната телесна маса. Сепак, студиите сугерираат дека возрасен машки мозок тежи во просек околу 1.336 грама, додека возрасниот женски мозок околу 1.198 грама.

Во однос на димензиите, човечкиот мозок не е најголем. Од сите цицачи, китовите од видот Кашалот имаат мозоци со тежина од 35-45 тони и е познато дека тие имаат најголеми мозоци. Сепак од сите живи суштества на Земјата, човечките мозоци имаат најголем број на неврони кои се специјализирани клетки кои ги складираат и пренесуваат информациите преку електрични и хемиски сигнали.

Бразилскиот невролог Сузана Херкулано-Хјузел откри дека бројот на неврони во мозокот е приближен до 86 милијарди.

Од што е составен мозокот?

Човечкиот мозок заедно со ‘рбетниот мозок го сочинува централниот нервен систем. Самиот мозок е составен од три главни дела:

  • Мозочно стебло, кој е издолжен дел што го поврзува остатокот од мозокот со ‘рбетниот мозок;
  • Малиот мозок, кој се наоѓа на задниот дел од мозокот и кој е длабоко вклучен во регулирањето на движењето, учењето на моторни вештини и одржувањето на рамнотежа;
  • Големиот мозок, кој е најголемиот дел од нашиот мозок и го исполнува најголемиот дел од черепот; во него се наоѓа церебралниот кортекс (кој има лева и десна хемисфера одделена со долг жлеб) и други, помали структури, од кои сите се различно одговорни за свесно размислување, одлучување, меморија и процеси на учење, комуникација и перцепција на надворешни и внатрешни дразби.

Мозоците се составени од меко ткиво, кое вклучува сива и бела материја, нервни клетки, клетки кои помагаат да се одржат невроните и здравјето на мозокот и мали крвни садови. Тие содржат висока содржина на вода, како и голема количина, речиси 60 проценти, масти.

Колку енергија им е потребна на нашите мозоци?

И покрај фактот дека човечкиот мозок не е многу голем орган, неговото функционирање бара многу енергија.

Иако човечкиот мозок тежи само 2 проценти од вкупната телесна маса, кај просечниот возрасен човек во состојба на мирување, тој троши околу 20 проценти од енергијата на телото. Примарната функција на мозокот – обработка и пренесување на информации преку електрични сигнали е многу, многу скапо во однос на употребата на енергија.

Прочитајте:  Состојба со грип во Република Македонија, сезона 2016/2017

Според Џејмс Колоски, состојбата на мирување е период во кој всушност мозкот прави т.н. мапа ​​за акумулирање на информации и искуства на кои можеме да се навратиме кога донесуваме одлуки во нашиот секојдневен живот.

Колкав дел од нашите мозоци користиме?

Постои мит којшто вели дека луѓето обично користат само 10 проценти од целокупниот капацитет на нивниот мозок и дека ако само знаеме како да ги искористиме другите 90 проценти би можеле да откриеме неверојатни способности кај себе.

И покрај тоа што останува нејасно точно од каде потекнува овој мит, се смета дека дури и во состојба на мирување, мозокот е сè уште активен и бара големо количество на енергија.

Скенови на мозокот покажале дека ние постојано го користиме нашиот мозоци, дури и кога спиеме, иако шемите на активност и интензитетот на таа активност може да се разликуваат во зависност од тоа што правиме и во каква состојба на будност или спиење се наоѓаме.

5-raboti-za-chovechkiot-mozok_image1„Дури и кога сме ангажирани во одредена активност и некои неврони се ангажирани во таа задача, остатокот од нашиот мозок е окупиран да прави други работи. Затоа, на пример, понекогаш ни се случува решението за некој проблем да се појави откако ќе престанеме да размислуваме на него одредено време или по ноќниот сон, Ова укажува на тоа дека нашите мозоци се постојано активни“, потенцира неврологот Криш Сатиан, кој работи на Универзитетот Емори во Атланта, Џорџија.

Доминантна десна или лева страна на мозокот?

Многубројни квизови и статии на интернет може ве убедуваат дека вие претежно ја користите десната или левата хемисфера на вашиот мозок. И дека тоа има врска или кажува нешто за вашата личност. Наводно, луѓето што повеќе ја користат левата хемисфера би требало да бидат повеќе математички и аналитички наклонети, додека луѓето што повеќе ја користат десната хемисфера би требало да бидат покреативни.

Дали е ова вистина? Иако е точно дека секоја од хемисферите во мозокот има малку поинаква улога, не може да се тврди дека луѓето всушност имаат доминантна страна на мозокот која ја регулира нивната личност и способности. Наместо тоа, истражувањата откриле дека луѓето подеднакво ги користат двете мозочни хемисфери.

Сепак, она што е точно е дека левата хемисфера на мозокот е повеќе сконцентрирана за употребата на јазикот, додека десната хемисфера на емоциите и невербалната комуникација.

 


Споделете со пријателите!