Морската болест може да се избегне со добро планирање на патувањето однапред
Што претставува морската болест?
Секој вид превоз може да предизвика болест на движење, или морска болест. Морската болест може да се појави одеднаш, напредувајќи од чувство на нелагодност до вртоглавица, обвивање со ладна пот и повраќање. Морската болест воообичаено се губи веднаш штом ќе застане движењето. Колку повеќе патувате, толку полесно ќе се приспособите да бидете во движење.
Морската болест може да се избегне со добро планирање на патувањето однапред. Важно е да обезбедите места за седење каде што движењето се чувствува најмалку, односно:
- Ако патувате со брод, побарајте кабина во предниот дел или средината на бродот во близина на нивото на водата;
- Ако патувате со авион, побарајте место над предниот раб на крилото;
- Ако патувате со воз, застанете во близина на предниот дел на возот и до прозорец;
- Ако патувате со автомобил, возете или седнете на совозачкото седиште.
Ако сте подложни на морската болест, додека патувате:
- Фокусирајте се на хоризонтот или на далечен, неподвижен објект и дишете полека;
- Избегнувајте да читате книга или списание;
- Држете ја главата мирно додека се одморате наспроти наслонот на седиштето;
- Не пушете и не седете во близина на пушачи;
- Избегнувајте зачинета и мрсна храна, како и алкохол;
- Напијте се антихистаминици најмалку 30 до 60 минути пред да патувате (очекувајте поспаност како несакан ефект);
- Доколку почувствувате неудобност и лошење јадете суви крекери или напијте се газиран пијалак за го олесните стомакот.
Како се дијагностицира морската болест?
Морската болест вообичаено може да се забележи преку физички преглед на лицето. Описот на симптомите и контекстот во кој истите се појавуваат е најчесто доволен за да се постави дијагнозата. Лабораториските испитувања воообичаено не се потребни.
Кога треба да се повика доктор?
Во повеќето случаи, докторот не треба да биде повикан во случај на морска болест, освен ако лицето не започне да развива дехидратација како последица од постојано повраќање. Кај повеќето луѓе, откако движењето ќе запре, симптомите полека се намалуваат, а потоа исчезнуваат.
Како се третира морската болест?
Третманот за морска болест може да се состои од медицински третман, едноставни промени во околината (на пример, седејќи покрај отворен прозорец на автомобил), како и вежбите за биофидбек и релаксација.
