Повременото кашлање не е знак на болест, но искашлувањето никако не треба да се запостави
Кашлицата е најчеста причина заради која се оди на лекар. Повременото кашлање не е знак на болест, но искашлувањето никако не треба да се запостави. Причината за нејзина појава е вирус, а поретко бактерија. Кога станува збор за вирус, антибиотици не делуваат и се препорачува домашно лечење, но ако вирусното воспаление се занемари, тогаш може да се накалеми бактериска инфекција која што подразбира лечење со антибиотици.
Она што е најважно за кашлицата, е фактот дека таа е симптом, а не засебно заболување, што не значи дека не претставува состојба на слабост.
Напротив, таа може да биде многу непријатна и да го наруши квалитетот на живот, особено ако трае повеќе недели. Според квалитет, кашлицата може да биде непродуктивна или сува и продуктивна, односно влажна.
Иритирани дишни патишта после настинка или грип
Најчестата причина за хронична кашлица е последица на вирусна инфекција. Повеќето симптоми на настинка исчезнале за неколку дена, но не и кашлицата. Причината за кашлица се отечените и сензитивни дишни патишта, како последица од вирусната инфекција.
Воздухот што го дишете е премногу сув
За време на ладните месеци, повеќе време поминуваме во затворен простор. Тоа значи изложеност на куќна прашина заради која може да се појави суво и раздразнето грло. Оваа кашлица може да се појавува во напади, да го наруши сонот и воопшто, квалитетот на живот. Кашлицата којашто е производ на сув воздух во комбинација со загаден воздух, може да биде пропратена и со главоболка, мачнини и раздразливост. И температурната разлика може да биде причина за кашлица.
Наглата промена од топла просторија во ладна или одење надвор, доведува до бурна реакција малите крвни капилари на носната слузокожа и грлото. Капиларите се шират и се собираат и како последица на тоа доаѓа до дразба, односно кивање, коешто може да премине во кашлица. Исто така, се појавува заедно со зголемена секреција од носот.
Не пиете доволно течности
Настинати сте и се чувствувате истоштено, па посегнувате по кофеински пијалаци со намера малку да ве „живнат“. Но ова е голема грешка, бидејќи кофеинот ве дехидрира, што е обратно од она што треба да го правите, а тоа е да пиете многу течности. Многу вода, чаеви, супи, помагаат за разложување на слузта, што значи дека ќе ви го олеснат искашлувањето. Исто така, освен кофеинот, треба да се избегнува и алкохолот токму заради стравот од дехидрирање.
Влошена здравствена состојба
Алергиите и астмата се чести причини за кашлица, како и ГЕРБ (гастроезофагеална рефлуксна болест). Постои и таканаречен „тивок“ ГЕРБ, кој е честа причина за хронично кашлање. Причина за пролонгирана кашлица може да биде и болеста на пушачите наречена хронична опструктивна белодробна болест (ХОББ).
Не користите препарати за полесно искашлување
Кај продуктивната влажна кашлица, важно е да се олесни искашлувањето на секретот. Излачувањето на слуз во дишното стебло е едно од најважните одбранбени механизми на респираторниот систем и е прва линија во одбрана на организмот. Еден од најефективните начини да се постигне ова, е со користење на препарати наменети за полесно искашлување. Препаратот треба да има брз ефект во елиминирање на секретот, да го разводнува, да ја намалува неговата густина и го олеснува неговото искашлување. Воедно, тој треба да делува и антиоксидативно, односно да ги врзува слободните радикали и ја намалува нивната токсичност.
НАПОМЕНА: Дадените препораки не се замена за лекарски совет и третман.
