vselenskite-gabi-pomagaat-vo-medicinskite-otkrovenija_image
Споделете со пријателите!

Со цел да им помогнат на пациентите, истражувачите од НАСА експериментираат испраќајќи габи во вселената и со тоа даваат можност за создавање нови и евтини лекови
Научниците од Национална аеронаутичка и вселенска администрација – НАСА, во соработка со Универзитетот од Јужна Калифорнија испраќаат габи во Интернационалната вселенска станица. Овие љубопитни научници се надеваат дека печурките во вселенските услови ќе развијат нови својства што е невозможно да се постигнат на Земјата. Видот габи се нарекува Aspergillus nidulans и тие поседуваат потенцијал за лекување канцер, Алцхајмерова болест и што е најконтроверзно – имаат својства за лекување на габични инфекции.

Ниската гравитација и високата радијација треба да ги поттикне габите да развијат нови карактеристики.

„Лекови доаѓаат од секундарните метаболити на фунгите што овие организми ги создаваат за време на стресни услови“

Габите во вселената не умираат. Тие кога доживуваат стрес од промена на условите во кои живеат произведуваат корисни материи што можат да бидат искористени за создавање на многу медикаменти што денес се нашироко достапни. Меѓу нив најпознат е пеницилинот. Овие лекови доаѓаат од секундарните метаболити на фунгите, односно споредните продукти што овие организми ги создаваат за време на стресни услови. За сите кои се загрижени за благосостојбата на габите, овие споредни производи не се потребни за есенцијалните функции на нивниот организам.

„Во природата, габите го создаваат само она што им е потребно за да одговорат на нивната животна средина. Овие патеки се како збир на алатки или оружје во нивниот арсенал и повеќето од времето тие не се во употреба“ – истакна д-р Клеј Ванг Clay Wang од Факултетот по фармација од Универзитетот во Јужна Каролина.

Прочитајте:  Ново помагало за спиење

Суровата средина на вселенската станица многу повеќе ги поттикнува габите и тие можат да создадат состојки корисни за лекување на разновидни болести започнувајќи од остеопороза, па сè до рак. Научниците веруваат дека создавањето нови лекови на овој начин може значително да ги намали цените на лековите.
vselenskite-gabi-pomagaat-vo-medicinskite-otkrovenija_image1

„Ние спроведовме проширени генетски анализи на оваа габа и откривме дека таа може потенцијално да произведе 40 различни типови на лекови. Организмот е познат по производството на лекови против остеопороза, што е многу важно од астронаутска перспектива затоа што ние знаеме дека за време на вселенските патувања, астронаутите имаат проблем со коските“ – додаде д-р Ванг. 


Споделете со пријателите!