Настинка и грип – препораки за превенција и самолекување
Започна сезоната на грип и настинки, болести кои што многу лесно се шират, па затоа е полезно да научите неколку начини на превенција. За почеток, одделете ги заблудите од вистинските причини за појава на грип и настинка, а потоа обрнете внимание на следниве неколку препораки.
Внимавајте на бактериите
Освен во човековото тело, бактериите од вирусите на грип и настинка преживуваат и во надворешни услови иако со многу послаб интензитет. Затоа, избегнувајте да допирате јавни површини и предмети коишто во текот на денот ги користат многу луѓе како: држачи во автобуси и возови, влезни врати и слично.
Оваа препорака е заради испитаниот податок дека на површините, вирусите можат да преживеат и до осум часа. Бактериите се задржуваат подолго на тврди површини, најмногу на нерѓосувачки челик и пластика, а помалку на ткаенина. Шансите да добиете вирус по овој пат се можни, но мали, затоа не претерувајте постојано да дезинфицирате.
Редовно мијте ги рацете
Редовно мијте ги рацете со сапун и вода во времетраење од околу 20 секунди, не заборавајќи го делот помеѓу прстите. Миење на рацете со сапун е една од најефективни и најисплативи мерки на превенција од дијареја, како и од воспаление на белите дробови. Честото миење раце е најефикасен начин да се заштитите од настинка и грип.
Избегнувајте затворени простори со многу луѓе
Доколку се плашите да се разболите, избегнувајте подолг престој во затворен простор, бидејќи на овој начин вирусите најмногу се шират. Исто така, не мора да значи дека ако некој изгледа здрав, не го носи во себе вирусот, без да покаже конкретни симптоми. Тоа значи дека треба да ги сведете на минимум посетите на кино, концерти и слично.
Проветрувајте на секои два часа
Ова правило се однесува и за дома и за во канцеларија. Освен редовното проветрување, погрижете се во просторијата да има доволно влажност. Оптималната влажност е важна со цел слузницата на носот да не биде сува, односно да може соодветно да ја врши својата функција, да чисти, или поточно, да го филтрира воздухот кој го дишете.
Наспијте се
На организмот му се потребни најмалку седум часови сон за успешно да се одбрани од напад на вируси. Исто така, важно е да се одржи и правилен биоритам, односно да заспивате и да се будите во приближно исто време.
Физичка активност
Редовната физичка активност го зацврстува цел организам и го подобрува имунитетот. Висок имунитет значи и поголема отпорност од вируси.
Вакцинирајте се
Вакцинирањето против грип е особено пожелно за децата и постарите лица, односно за сите оние со намален имунитет. Една најнова студија покажа дека луѓето над 50 години коишто примиле вакцина за грип, го намалиле ризикот за заболување за 57 проценти. Исто така, од вакцинирање не може да се добие грип. Тоа е заблуда.
Самолекување
Најпрво да се истакне дека е пожелно да се посети лекар за да ги одреди симптомите за да ви каже дали се работи за грип или за настинка. Откако ќе знаете за каков вид на вирус се работи, можете самите да ги подобрите, односно да ги ублажите симптомите на настинка и грип. Познати природни лекови кои го олеснуваат чувството на настинка и грип се ѓумбирот, пилешка супа, црн бибер, природни чаеви, витамин Ц, лук… нивната ефикасност е докажана но мала и ограничена. Имено, сите тие се добри за да се избегне дехидрацијата и да се разреди слузта. Добар избор кој би го забрзал процесот на оздравување е користење на раствор со активни состојки кои се докажано ефикасни против симптомите на настинка и грип. Ваквите медицински препарати имаат за цел да го смират воспалителниот процес и да ја намалат болката.
Доколку забележете дека нема подобрување на симптомите после 5 дена лекување, задолжително посетете лекар.
