Антибактериските сапуни може да содржат штетни состојки, тие ги убиваат лошите но и добрите бактерии за нашиот организам, а многу од нив не претставуваат вистинска закана за најопасните микроорганизми, потврдуваат научните студии
Антибактериските сапуни коишто ја содржат хемикалијата триклосан не се поефикасни во отстранувањето на бактериите од твоите дланки во споредба со конвенционалните сапуни, потврдува една научна студија. Состојката триклосан е прогласена за потенцијално опасна.
Индустријата за производство на антибактериски сапуни претставува голем модерен бизнис со вредност од еден билион американски долари годишно и тоа само во САД.
Антисептичкото средство во антибактериските сапуни триклосан е поврзано со антибиотска резистенција (АМР), алергии, како и пореметувањата во хормоналниот систем кај цицачите. Едно друго научно истражување откри потенцијални канцерогени и ризик од појава на рак со константна и долготрајна употреба. Поради ова, Американската агенција за храна и лекови – FDA ја проверува нивната безбедност и веројатно ќе ја ограничи и регулира нивната употреба.
Студијата пак, објавена во „Journal of Antimicrobial Chemotherapy“, го испита ефектот на антибактериските сапуни врз 20 опасни врсти на бактерии, вклучувајќи ги: Escherichia coli, Listeria monocytogenes и Salmonella enteritidis. Научниците ги сместиле бактериите во петриеви садови, заедно со антибактериски и следствено конвенционален сапун и ги загревале смесите сè до 22°С, а потоа до 40°С, со што ја симулирале изложеноста на топла и жешка вода со времетраење од 20 секунди.
Истражувачот Мин Сук Ри за Huffington Post вели: „Поважно е потрошувачите да ги мијат своите раце правилно и редовно – отколку да користат антибактериски сапуни“.
Како надополнување на овој експеримент, научниците исто така ја провериле ефикасноста на антибактериските сапуни во споредба со вообичаените врз група на волонтери. На испитаниците, рацете им биле прекриени со бактеријата Serratia marcescens (врста на бактерии кои најчесто ги има во бањите и купатилата), а потоа им било кажано да ги мијат рацете во времетраење од 30 секунди.
Испитаниците рацете ги миеле како со обичен, така и со антибактериски сапун којшто содржел 0,3% триклосан (дозволениот максимум во ЕУ, Канада, Австралија, Кина и Јапонија). „Треба да се забрани да се пренагласува ефикасноста на производи кои можат да ги збунат потрошувачите“ – изјави Мин Сук Ри – Min Suk Rhee, еден од авторите на студијата.
[interaction id=”566ace29442aedb505b25b7b”]Откако научниците не успеале да пронајдат разлики помеѓу двата вида сапуни во поглед на способноста да убиваат бактерии, научниците провериле колку време му треба на триклосанот да ги убие бактериите. Користејќи ја истата концентрација како претходно, истражувачите потврдија дека антибактериските сапуни се ефикасни само доколку микроорганизмите биле потопени во сапунот и оставени повеќе од девет часа.
Многу од производителите на мебел, играчки за деца и пасти за заби, во своите производи додаваат триклосан, со цел да се спречи развојот на бактерии. Внимавајте што купувате и што користите и внимателно читајте го составот на производите.
