Дали љубовта сама по себе е се што ни треба ? Дали е доволна сама по себе или се потребни дополнителни услови за да расте и се развива.
Љубовта е сè што ни треба, а сепак сама по себе не е самозадоволувачко чувство. За да го задржиме, да растеме, да се развива и да нè израдува, потребни ни се неколку работи. Но, кои се тие?
Марк Менсон побарал од 1.500 луѓе ширум светот да го советуваат како да си изгради здрава и среќна врска.
Тој ги сумирал нивните податоци во „Краен водич за врски кој стави крај на сите водичи за врски“, (The Ultimate Relationship Guide end all Relationship Guides™) кои ви се накратко презентирани во следниот текст.
Првиот совет што Марк го добива е да се биде со некој само заради вистински причини.
Совет 2: Вашите очекувања за врска и романса треба да бидат реални „Невозможно е да останете потполно луди еден за друг до крајот на животот секој божји ден за Бога! А единствената работа што ја предизвикуваат приказни и мисли од типот „и живееа среќно секогаш…“ е само плодна почва да се постави сценарио за неуспех.
Се чини дека сите ние сме се осудиле да започнеме врска со точно вакви очекувања, кои се толку нереални. И одеднаш сфаќаме дека возбудата која ја имало од почетокот помеѓу двајцата ја нема и врската е распадната, крајот настапил и сега ред е да се бара начин да се заврши . Не!
Ќе има денови, па дури и недели (а можеби и подолги периоди) во кои воопшто нема да се чувствувате возбудени и привлечени еден од друг, ниту пак ќе се осеќате силно вљубени.
Може дури и да се случи едно утро да се разбудите и да кажете: „О, сеуште си тука…“ И тоа е нормално! Но, уште поважно, е дека трпението вреди. Бидејќи овој период ќе помине. И за неколку дена или недели ќе го погледнете вашиот партнер и ќе забележите дека ве облева неверојатен бран на љубов. И ќе го сакате партнерот толку многу што ќе имате чувство дека вашето срце нема да го издржи тоа и ќе пукне! Тоа е така затоа што живата љубов е љубов која постојано се развива. Таа се шири и се стеснува, се изтенчува и продлабочува. Да, тоа чувство не секогаш ќе биде како што било порано, но не треба. Сигурно е дека ако повеќе парови го сфатат тоа, ќе се грижат помалку и нема да им падне на ум да брзаат да се разделат. “- Љубовта е неверојатно забавна и слатка затоа што нè прави да се чувствуваме еуфорично. Има толку многу приказни за оваа луда, еуфорична љубов што го тера момчето да се откаже од училиште, да го продаде својот автомобил и да избега со својата љубовница за да се ожени со неа. Во повеќето случаи, крајот се предпоставува, после години се разделуваат – обајцата разочарани – од љубовта и животот.
Ова е дива љубов. Ова е начинот на кој природата нè привлекува да правиме луди и неразумни работи за да создадеме потомство со друго човечко суштество … Можеби затоа што ако застанеме и да ги земеме предвид последиците од воспитувањето на децата и да избереме да бидеме со едно човечко суштество засекогаш, веројатно никој од нас не би го сторил тоа – никогаш.
Романтичната љубов е стапица и обично трае неколку години. Интоксикацијата и еуфоријата еден ден минуваат.
Затоа треба да бидете убедени и сигурни дека сте оствариле врска со вистинската личност која искрено ја почитувате и чувствувате задоволство да бидете наоколу.
Инаку, кога ќе дојде моментот кога ништо не е толку розово и слатко како на почетокот нештата ќе станат незгодни.
Вистинската љубов, длабоката и трајна љубов е избор. Се бара постојано да се посветите на лицето покрај себе – без оглед на околностите. Прифатете дека не постои начин партнерот да ве прави среќни во секое време. Но, тоа не е потребно. Прифатете дека тој или таа е личност – исто како вас, на кој понекогаш ќе му треба и вашата поддршка, како и на вас.
Ова е најтешката форма на љубовта. Таа не е толку опивачка. Ниту сјајна. Оваа љубов вклучува посети на лекар, дневни непријатни активности, дискутирање и справување со стравот, несигурноста и идеите на другиот, дури и кога не се чувствувате дека имате сила за тоа… Но, тоа е оваа, љубов, која е жива љубов, која е многу позначајна и задоволувачка. Токму оваа љубов ни дава вистинска среќа, не само уште една серија еуфорија и интоксикација.
„Не постои такво нешто како ‘и тие живееја среќно засекогаш’. Треба само да се будите секој ден и да одлучите да ја сакате својата половина и животот со доброто, лошото и грдото. Ќе има денови кои ќе бидат огромен предизвик, но во други ќе се чувствувате како најсреќната личност на светот.“ – За жал, многу луѓе во текот на животот не учат како да ја постигнат оваа безусловна љубов. Наместо тоа, тие остануваат зависни од интоксикација на романтичната љубов. Тие претпочитаат да бидат во врска заради возбудата и кога возбудата ќе исчезне, тие исчезнуваат. Многу луѓе влегуваат во врската за да добијат нешто што им недостасува или го мразат. Но, ова значи дека си купиле еднонасочен билет за отровна врска, затоа што тоа ја прави љубовта условена, односно ќе го сакате вашиот партнер само онолку колку што тој ви помага да се прифатите, дадете, само додека добивате од него…
