ne-se-razveduvaj-za-dobroto-na-decata_image
Споделете со пријателите!

Неколку работи што ќе се случат кога ќе останете заедно за доброто на децата
Скоро половина од браковите во светот завршуваат со развод. Сепак, самиот збор е сè уште оптоварен со одредена количина стигма – особено кога се вклучени деца. Многу парови избираат да останат во несреќен и нефункционален брак со цел да ги спасат грижите, збунетоста и страдањата на своите деца.

„Партнери остануваат заедно заради своите деца, за да им обезбедат соодветна околина, мир и здраво семејство, тоа е едноставно добра и искрена намера.“

По цена на сопствената среќа и удобност, партнерите се решени да останат заедно заради своите деца и да им обезбедат соодветна околина, мир и здраво семејство. Тешко дека постои човек што не е во можност да разбере колку добра и искрена намера е тоа.

Но, иако е толку природно родителите прво да размислуваат за благосостојбата и среќата на своите деца, влијанието на оваа одлука врз семејството не е секогаш позитивно. Напротив – во повеќето случаи, оваа жртва води до сосема спротивен резултат – стрес, напнатост, несигурност и нестабилност дури и девијантно однесување.

Еве три работи што треба да ги разгледате пред да одлучите да останете заедно за доброто на децата:

Вашите деца ќе го согледаат вашиот однос еден кон друг.

Без разлика дали сфаќате или не, односот помеѓу вас и вашиот партнер е моделот што вашите деца ќе го следат и ќе го применуваат во нивните сопствени животи. Тие ќе научат како да се однесуваат кон другите од вас и како се однесувате еден кон друг.Тие ќе научат од вас и начинот на интеракција, што да очекуваат од нивниот иден партнер – почит или презир, сочувство или иритација, разбирање или рамнодушност.

Како што пишува Џејмс Болдвин: „Децата никогаш не биле особено добри во слушање на возрасните, но никогаш не го промашуваат имитирањето на моделот кој го гледаат“.

Затоа е толку важно добро да ги разгледате вашите секојдневни интеракции и однесување, вашите односи, кои сте и како го живеете вашиот живот. И, кога сте завршиле со анализата и заклучоците, запрашајте се дали го поскувате ова и за вашите деца. Децата ќе изградат чувство на постојано незадоволство. Децата ќе бараат некој виновен за конфликтите и несреќата. Тие имаат тенденција да ја заземат едната страна од родителскиот пар (претежно мајчината) и својот гнев и фрустрација да ги насочат кон другата. Ова е многу честа и трагична појава што се забележува кај децата на разведени родители.

Прочитајте:  Како да се прифати суштината на другите луѓе?

Друга опција е децата да се обвинуваат себеси за проблемите на нивното семејство, а тоа природно ќе доведе до вознемиреност, чувство на вина, слаба самодоверба и доверба во другите, проблеми со управувањето со бесот, па дури и депресија. Всушност, траумата на скршено семејство ги повредува сите нејзини членови и го уништува нивниот квалитет на живот, дури и без де факто разделување.

Илјадници семејства низ целиот свет живеат на сличен начин. Вашите деца ќе растат во нестабилна и конфликтна, а не во здрава и мирна средина.

Многу возрасни веруваат дека нивните деца се имуни на стрес во домот, бидејќи тоа не влијае директно врз нив. Но, тоа не е така. Без разлика дали се сведоци на скандали и дали ги слушаат навредите и обвинувањата што ги разменувате или само чувствуваат напнатост во воздухот за време на вечерата, вашите деца знаат повеќе отколку што мислите и тоа влијае на нив длабоко.

Здравиот конфликт е друга работа. На крајот на краиштата, нема дом каде што сè е тивко цело време.

Споровите и несогласувањата ќе го научат детето како да се помири, прости и да прави компромис. Меѓутоа, ако вашиот дом почесто изгледа како борбена зона, вашите деца веројатно нема да се чувствуваат безбедно и среќно во него.

Разводот никогаш не треба да биде застрашувачки или грд збор. Можеби ви е тешко да поверувате, но за многу деца, разводот е подобар избор – не е криза, туку можност.

Прекинувањето на неуспешен и несреќен брак може да ви даде шанса да преземете контрола над сопствениот живот и среќа. Разводот може да биде можност да го лекувате срцето, да растете и да откриете силни страни, способности и чувства за кои не сте ни знаеле дека постојат. На овој начин ќе ги научите вашите деца да го прават истото.

Научете ги како да создадат најдобар свет за себе.

Покажете им ја моќта на самодовербата, независноста и здравите граници во односите меѓу луѓето. Ќе дојде денот кога тие ќе бидат благодарни што сте наравиле ваков избор.


Споделете со пријателите!