Некои истражувања сугерираат дека медот може да делува како потиснувач на кашлицата за некои луѓе со горни респираторни инфекции и акутна ноќна кашлица.
Постојат околу 320 различни сорти на мед, кои варираат во боја, мирис и вкус. Медот најчесто содржи шеќер, како и мешавина од аминокиселини, витамини, минерали, железо, цинк и антиоксиданти. Покрај користењето како природен засладувач, медот се користи како антиинфламаторно, антиоксидантно и антибактериско средство. Луѓето вообичаено го користат медот орално за лекување на кашлица и локално за лекување на изгореници и рани.
Генерално, медот се смета за безбеден кај возрасни и деца постари од 1 година. Може да биде корисен во лекувањето на изгореници, кашлање и некои други состојби.
Податоци од различни истражувања
Некои истражувања сугерираат дека медот има здравствени придобивки и помага за:
- Кардиоваскуларни болести
Антиоксидансите во медот може да бидат поврзани со намален ризик од срцеви заболувања.
Истражувањата укажуваат на тоа дека медот може да делува како потиснувач на кашлицата за некои луѓе со горни респираторни инфекции и акутна ноќна кашлица.
- Гастроинтестинална болест
Некои податоци сугерираат дека медот може да помогне во ублажување на симптомите на заболувања на гастроинтестиналниот тракт, како што е дијареата којашто се поврзува со гастроентеритис. Медот, исто така, може да биде ефикасен како дел од терапијата за орална рехидратација.
- Нега на рани
Се покажало дека локалната употреба на медицинскиот мед може да помогне за заздравувањето на рани, особено при изгореници.
Безбедност и несакани ефекти
Медот се смета за безбеден за употреба како природен засладувач, за ублажување на симптомите на кашлица и за лекување на рани и изгореници. Сепак, треба да се внимава со консумацијата на мед, особено кога станува збор за деца и бебиња. Експертите сугерираат дека медот не трeба да се дава на бебиња помали од една година. Медот може да предизвика ретка, но сериозна гастроинтестинална состојба, позната како бебешки ботулизам.
Исто така, некои луѓе се чувствителни или алергични на специфични состојки во мед, особено пчелниот полен на којшто треба да се внимава. Иако ретки, алергиите на пчелен полен може да предизвикаат сериозни несакани реакции. Знаци и симптоми на реакција вклучуваат:
- Симптоми на астма;
- Вртоглавица;
- Гадење;
- Повраќање;
- Слабост;
- Претерано потење;
- Неправилни срцеви ритми (аритмии).
