frazi-koi-treba-da-gi-izbegnuvate-koga-komunicirate-lice-depresija-ili-anksioznost_image
Споделете со пријателите!

Менталните болести се многу почести отколку што мислите. Дури е можно и вие да сте страдале од некаков вид на ментално растројство. Според Националната алијанса за ментални болести, најмалку еден од пет возрасни лица во САД страдаат од ментална болест најмалку еднаш годишно.
Менталните болести се многу почести отколку што мислите. Дури е можно и вие да сте страдале од некаков вид на ментално растројство. Според Националната алијанса за ментални болести, најмалку еден од пет возрасни лица во САД страдаат од ментална болест најмалку еднаш годишно. Иако преовладуваат проблеми поврзани со менталното здравје, оние кои се соочуваат со емоционални страдања, често се плашат другите да не ги гледаат како „ненормални“. Оваа вознемиреност може да го спречи страдачот да побара помош.

Неподготвеноста да се бара помош се зголемува кога некој (свесно или случајно) одлучи да користи фраза, која само го зајакнува гледиштето дека психичките болести се причина за срам.

Еве неколку примери за фрази, избрани и разјаснати од клиничкиот социјален работник и терапевт Шери Аматенстин кои е најдобро да ги избегнувате кога комуницирате со човек кој се справува со ментално растројство.

1. „Престани да се однесуваш како лудак“

Ова често се користи при изразување во различни ситуации, чија цел вообичаено не е да предизвикува болка. Но резултатот е сосема ист. Користењето на фразата го прави пациентот да чувствува дека потешкотиите предизвикани од ментална болест се само тривијални проблеми кои лесно може да се решат. Елиминацијата на зборови како „луди“ или „ненормален“ е мал, но важен чекор кон укинување на стигмата, која се појавила како резултат на слични изрази.

Заменете со:

Наместо да се каже „Ана, ти си толку луда!“, Бидете поконкретни за однесувањето кое го наоѓате за неприфатливо. Препорачливо е да примените по мирен и објективен начин за да ги искажете своите приговори: „Ана, кога не се грижиш за децата и нивните миленичиња, куќата се претвора во неуредно и валкано место.“ Исто така, бидете поспецифични при опишување на вашите искуства. Ако на пример сте посетиле концерт кој многу ви се допадна, избегнувајте да користите фрази како „Беше луд концерт!“, Наместо тоа кажете „Концертот на Енрике Иглесијас беше неверојатен“.

2. „Само престани да се грижиш“

Депресијата и анксиозноста се едни од најчестите ментални нарушувања, па затоа е корисно да сте добро информирани за начините на кои може да најдете помош, наместо да се однесувате сеедно страдалниците прават од мувите слон. Користење на фрази како „Само престани да се грижиш!“ предизвикува лицето со ментална болест да се чувствува како тој самиот да одлучил да ги чувствува силните и тешко надминливи негативни емоции.

Заменете со:

Решениието не е да звучи како да ги оценувате емоционалните состојби на тој што пати. Наместо тоа, вклучете го во вашиот репертоар со фрази за поддршка, како што се „Сигурно ти е многу тешко“. или „Јас сум на располагање ако треба да разговараш со мене“. Препорачливо е да се покаже сочувство и подготвеност за комуникација.

Прочитајте:  Позициона плагиоцефалија или сплесканост на главата кај бебињата

3. „Леле ќе се убијам“

Според американските центри за контрола на болести и превенција, самоубиството е десетта водечка причина за смрт во САД. Значи за човек кој се бори со самоубиствени мисли, не е лесно да слушне како некој друг, кој минува низ незначителни тешкотии како ниска отценка, забелешка од директорот или недостаток на кафе во канцеларијата, прокламира дека сака да се самоубие. Повторно, ваквите изрази се знак на невнимание и неточна формулација, а не на бесчувствителност и недостаток на сочувство.

Заменете со:

Пожелно е да не се претера со реакциите кон несуштинските пречки, но тоа не значи дека тие што се во депресија треба да се третираат како да се деца. Она што тие би го оцениле, е да признаете отворено дека доживувате тешкотии, дури и вие да не гледате на тоа како толку голем проблем, споредено со состојбата на човекот со депресија.

4. „Терапијата е слаба“

Еден од клиентите на Шери Аматенштајн ѝ рекол дека ја прекинал терапијата. Причината за ова е тоа што нејзиниот близок пријател постојано и кажува дека таа може да се справи со сопствените проблеми. Нејзиниот пријател инсистира дека клиентот на Шери Аматештајн е посилен отколку што мисли, а самата терапија е слаба. Изјавите на девојката се една од работите кои не треба да се кажат на лице што страда од ментална болест. Таквите изјави само ја зајакнуваат стигмата на менталните нарушувања.

Заменете со:

Секогаш може да си молчите или да кажете нешто како „Не сум сигурен како би реагирал на твое место, но ако мислиш дека терапијата е соодветен избор за тебе, те поддржувам целосно“.

5. „Ќе се чувствуваш подобро утре“

Често оваа изјава има благонаклонет тон и е наменета како корисен совет. Но, за луѓето кои страдаат од депресија, секој момент од денот е неподнослива тортура

Заменете со:

„Мора да се чувствуваш многу лошо за грешката што си ја направил, јас сум тука ако ти треба некој да те изслуша“.

Понекогаш може да изгледа многу тешко да се разговара со некој што страда од ментална болест – не затоа што не го разбирате туку затоа што е тешко да се најдат вистинските зборови.

Затоа, убаво е да ги имате на ум советите на Шери Аматејнштајн за да се чувствувате подготвени да одговорите соодветно и соодветно кога комуницирате со човек кој пати од депресија, анксиозност или некоја друга ментална болест.


Споделете со пријателите!