shto-pretstavuva-zoshto-se-pojavuva-nokjnoto-potenje_image
Споделете со пријателите!

Потењето во текот на ноќта вообичаено се манифестира како повторливи епизоди на екстремно потење коишто обично се поврзани со некој здравствен проблем, состојба или болест.
Сигурно ви се случило да се разбудите во текот на ноќта испотени, особено доколку спиете под дебела прекривка или доколку вашата спалната соба е премногу топла. Иако се непријатни, овие епизоди не се сметаат за ноќно потење и обично не се знак на некој скриен здравствен проблем.

Всушност, ноќното потење се манифестира како повторливи епизоди на екстремно потење и вообичаено се поврзува со треска, губење на тежина, локализирана болка, кашлица, дијареа или други проблеми со здравјето. Освен некој здравствен проблем или болест, ноќното потење може да биде предизвикано и од други причини.

Причини за ноќно потење

Ноќното потење може да се појави како несакан ефект на многу лекови, како што се:

  • Лекови за депресија (антидепресиви);
  • Лекови кои се користат за лекување на одредени видови рак (хормонска терапија);
  • Лекови кои се користат за лекување на дијабетес.

Исто така, ноќното потење може да биде предизвикано од здравствени состојби и болести, како што се:

  • Анксиозност;
  • Автоимуни нарушувања;
  • Автономна невропатија;
  • Бруцелоза (бактериска инфекција);
  • Карциноиден синдром;
  • Зависности (алкохол, опиоиди, кокаин, канабис, бензодијазепини и сл.);
  • ХИВ/СИДА;
  • Хочкинова болест;
  • Леукемија;
  • Миелофиброза (нарушување на коскената срцевина);
  • Остеомиелитис (коскена инфекција);
  • Феохромоцитом (редок тумор на адреналната жлезда);
  • Пиогенски апсцес;
  • Нарушувања во спиењето (опструктивна ноќна апнеа);
  • Мозочен удар;
  • Сирингомиелија (циста полна со течност во ‘рбетниот мозок);
  • Туберкулоза.

Ноќното потење и топлите бранови, исто така, се многу чести кај жените за време на менопаузата. Ако сте на возраст од 50 години и имате неправилни менструални периоди и немате други симптоми, ова е веројатно причина за симптомите.

Прочитајте:  Состојба со грип/заболувања слични на грип во Република Северна Македонија, сезона 2019/2020 за 9-та недела

Кога да посетите доктор?

Закажете посета на доктор ако епизодите на ноќно потење:

  • Се случуваат редовно;
  • Го нарушуваат вашиот сон;
  • Се придружени со треска, губење на тежината, локализирана болка, кашлица, дијареа или други симптоми;
  • Се појавуваат и покрај тоа што симптомите на менопауза се отсутни подолго време.

Како да го третирате ноќното потење?

Третманот на потењето во текот на ноќта зависи од тоа што е основната причина за појава на истото, меѓутоа постојат неколку работи кои може да ви помогнат, како што се:

  • Спиење во ладна просторија;
  • Избегнување на носење синтетичка облека;
  • Избегнувајте на покривање со тешки јоргани;
  • Избегнување консумација на алкохол, кофеин, зачинета храна пред легнување;
  • Избегнување на диети со висока содржина на масти и шеќер;
  • Одржување на нормална тежина и хидратација на телото.

Споделете со пријателите!