Споделете со пријателите!

Во што се крие тајната на секоја од нив?
Со самото започнување на пролетта, започнува и најсоодветното време за детокс на организмот. Прочистувањето на организмот ни помага да се чувствуваме подобро и поздраво, да имаме подобар сон и подобро варење. Храната, која е особено корисна за прочистување на организмот, обично е лесна за апсорпција, со висока содржина на вода, растителни влакна, незаситени масни киселини. Започнете ја природната детоксикација на целиот организам вклучувајќи мали, здрави навики во исхраната.

Супер храна во облик на семе! Но, во што се крие тајната на секое од нив?

„Само 100 g семиња обезбедуваат околу 18 g протеини (32% од дневните препорачани вредности) материи кои се од суштинско значење за растот, особено кај децата.“

Семе од сусам (Sesamum indicum) – едно од најстарите култивирани растенија, со историја која датира пред околу 4.000 години. Во својот состав содржи сезамол (3,4 -метилендиоксифенол), сесаминол, фурилметантил, гуајакол (2 – метоксифенол). Сезамол и сесаминол се фенолни антиоксиданти. Заедно, овие соединенија помагаат во отстранувањето на штетните слободни радикали од човечкото тело.

Витаминот Е има антиинфламаторно дејство и ги намалува симптомите на астма, остеоартритис и ревматоиден артритис во кои воспалителните процеси имаат значаен ефект.

Витаминот Е е пронајден во семките од сончоглед (helianthus annuus) Поради која причина може со сигурност да се тврди дека токму тој претставува еден од најесенцијалните витамини? Во, едно од најбогатите закуски од овој тип се наоѓаат (270-289 mg) фитостероли на 100 g.

Семките од тиква (cucurbita) се вообичаена состојка во мексиканската кујна и често се јадат како здрава закуска. Тие се исклучително богати со магнезиум, еден од седумте основни макроминерали. Две лажици семе од тиква содржат 74 мг магнезиум, околу 25% од дневниот препорачан диететски додаток. Тој има витално значење за правилно функционирање на мускулите.
Магнезиумот игра важна улога во над 300 ензимски реакции во телото, вклучувајќи го и метаболизмот на храната и синтезата на масни киселини и протеини.

Ленот (linum) е билка која се одгледувала во древниот Египет и Кина, чиј наследен ефект бил препознаен и употребуван со векови. Лененото семе се користи во исхраната повеќе од 6000 години, а поради неговите здравствени придобивки повеќе пати било прогласено за супер храна.

Прочитајте:  Инсекти што се јадат

Дали и семето од чиа го заслужува статусот на супер храна? Ова мало црно семе од родот на (Salvia Hispanica), води потекло од Централна и Јужна Америка. Легендата вели дека уште древните Ацтеки и Маите користеле семки од чиа како извор на енергија.

Омега 3 масните киселини се познати по своите антиинфламаторни ефекти, како и подобрување на здравјето на мозокот и кардиопротективно дејство.

Комбинацијата на семиња со висока хранлива вредност го намалуваат чувството за глад, истовремено нудејќи го широкиот спектар на квалитетни хранливи материи кои секоја од нив ги поседува. Нивните нутритивни придобивки стојат позади многу наслови поврзани со здравјето. Бидејќи се мали семиња, претерано нивно конзумирање може да предизвика опстипација, па затоа е важно да не претерувате и да останете ХИДРИРАНИ!

Направете и сами – мини супер храна – крекер, за секој ден!

Потребни состојки за овој рецепт на крекери НАТУРА:

  • 100 гр. интегрален сусам НАТУРА
  • 100 гр. лупен сончоглед НАТУРА
  • 75 гр. семки од тиква НАТУРА
  • 100 гр. ленено семе НАТУРА
  • 100 гр. чиа семе НАТУРА ( по избор )
  • 1 чаша масло за готвење
  • 1 чаша интегрално брашно
  • 1 чаша ‘ржано брашно
  • 1 пиво или кисела вода
  • 1 лажица сол
  • 1 пециво

Edinstvena-kombinacija-za-vashe-dobro-zdravje-nov_image1

Сите состојки потребно е добро да бидат измешани, од добиената смеса потоа се прави тесто од кое се сука кора со дебелина од 1 см. По ваша желба од тестото можат да се направат најразлични форми и облици. Тестото се пече на температура од 200 степени, до 20-25 мин.

Прославете го празникот на радоста и среќата, во топла атмосфера, кога семејството се собира на заедничка топла трпеза. Овие крекери може да најдат свое место како дел од традиционалната Велигденска трпеза – богата и убаво уредена.

Споделете го Вашето празнично расположение, бидејќи споделена среќа е поголема среќа!


Споделете со пријателите!