laktuloza-vo-tretman-na-opstipacija_image
Споделете со пријателите!

Лактулозата е природен дисахарид составен од фруктоза и галактоза
Опстипација е состојба при која празнењето на цревата е отежнато заради тврда и сува столица, а подвижноста на цревата е намалена. Самата состојба е сериозна и ако не се третира подолготрајно има можност од јавување на други несакани ефекти.

Симптоми на опстипација се:

  • Стомачни болки;
  • Симптом на подуеност;
  • Неможност на поминување на гасови;
  • Малаксаност;
  • Стомачни грчеви и сл.

Пред да се започне со третман треба да се исклучат некои симптои кои не се карактеристични за опстипација и при кои веднаш треба да се посети доктор и тоа:

  • Крвава столица или столица со црна боја;
  • Треска;
  • Јаки стомачни болки;
  • Повраќање.

Доколку се исклучат овие симптоми кои покажуваат на други состојби, тогаш за третман на опстипација се започнува со лактулоза.

„Единствен несакан ефект од употребата на лактулоза е дијареа.“

Лактулозата е природен дисахарид составен од фруктоза и галактоза. Лактулозата не се апсорбира во ГИТ и не се разградува од ензимите во телото туку се задржува во дебелото црево каде апсорбира вода преку осмоза со што ја разводнува и самата столица и овозможува полесен премин низ дебелото црево. Лаксативен ефект постигнува и со потикнување на цревната перисталтика.

Треба да се спомене дека доколку е прави третман на опстипација со лактулоза потребно е по внесувањето на лактулозата да се земе и поголема количина на вода за да се овозможе побрз ефект. Дозата која се препорачува на користење на лактулоза по орален пат е 10-20мг.

Покрај лаксативниот ефект лактулозата се користи и за хепатална енцефалопатија кога црниот дроб не може да ги исфрли токсините од крвта.

Продуктите со лактулоза се чуваат на собна температура од 15-30 целзиусови степени.

Прочитајте:  Покачена температура кај деца

Единствен несакан ефект од употребата на лактулоза е дијареа, која најчесто се јавува доколку дозата на лактулоза која се зема е поголема од препорачаната. Самата дијареа постои опасност да јави дехидратација и хипокалемија.

Лактулозата содржи самата во себе два шеќери, па треба претпазливо да се користи кај пациенти со дијабетес, меѓутоа бидејки лактулозата не се апсорбира во крвта, ефектот кај пациенти со дијабетес е минимален.

  • Дозирањето за возрасни е 10-20мг;
  • Дозирањето кај деца е 0.7-2г/кг/дневно.

М-р фарм. Лидија Пешталеска Николовска

PharmaS_ProBalans_LAKSAMOL_700x90


Споделете со пријателите!