Меѓународен тим на истражувачи демонстрираа дека е можно да се најдат и идентификуваат фрагменти од РНК поврзани со развојот на фетусот додека се уште е во матката преку евтина и релативно неинвазивна процедура.
Датумот на терминот или предвремено раѓање наскоро ќе може да се предвиди преку едноставно тестирање на крв. Научниците најавуваат дека наскоро ќе може да се одреди возраста на фетусот преку анализа на крвта на мајката. Ова ќе стане изводливо со анализа на генетската активност во крвта на мајката,при што ќе може да се утврди не само возраста на бебето кое се развива туку и ќе може да се предвиди дали бебето е во опсасност да се роди пред да биде подготвено.
Меѓународен тим на истражувачи демонстрираа дека е можно да се најдат и идентификуваат фрагменти од РНК поврзани со развојот на фетусот додека се уште е во матката преку евтина и релативно неинвазивна процедура.
Додека се уште се далеку од практичниот клинички тест, научниците споделуваат дека досегашните испитувања укажуваат дека овој нов метод би можел еден ден да го замени ултразвукот како метод за мерење на гестацијата, при што истовремено ќе може да се откријат предупредувачки знаци кои би не предупредиле за можно предвремено раѓање.
„Откривме дека преку неколку гени со голема точност може да се предвиди кои жени се изложени на ризик за предвремено породување“, вели авторот на студијата Мадс Мелби, претседател и извршен директор на Statens Serum Institute во Копенхаген. Ова истражување беше објавено во Science.
Речиси едно од десет раѓања во земји како што е САД се случуваат предвремено, а тоа води до компликации и причини за смртност кај новороденчиња. Добивањето на сознанија дека ќе се случи предвременото раѓање создава потенцијал да се спасат многу животи.
Истражувачкиот тим спровел пилот студија за 31 здрава бремена жена, користејќи 21 од нив за да создаде статистички модел базиран на девет транскрипти на РНК од имуниот систем на мајката, црниот дроб на детето и плацентата.
Ова им овозможило да го проценат терминот на раѓање за преостанатите 10 мајки со точност од 45 проценти.
Ова можеби не звучи идеално, но овој податок го става овој метод во истиот ранг како ултразвучна анализа. Втората студија направена со волонтери укажала дека комбинација од гени биле поврзани со укажување на можноста да се случи предвремено раѓање. Гените кои го укажуваат овој податок се претежно од мајката.
Според истражувачите мајката е таа која испраќа сигнал дека е подготвена да го повлече копчето за раѓање. Анализирајќи ја крвта од осум мајки кои предвремено родиле, тестот бил точен за шест од нив, погрешно класифицирајќи само едно од 26-те раѓања во термин.
Бројките се импресивни, иако потребни се многу поголеми и поразновидни студии пред да можеме да бидеме сигурни дека покажуваат нешто навистина моќно.
Лекарите вообичаено се обидуваат да направат ултразвук за време на првиот триместар, но не сите мајки имаат пристап до раната пренатална нега, а подоцна направените УЗ-прегледи не даваат иста количина на информации. Спротивно на тоа, резултатите покажуваат дека дијагностичката алатка базирана на транскрипти на РНК ќе биде поточна за време на вториот и третиот триместар. Тестот за крв, ќе биде поедноставен за извршување, поевтин и потенцијално треба да обезбеди богатство детали за развојот на фетусот.
,,Ова ќе ни даде слика со супер-висока резолуција за бременоста како и за човечкиот развој што никој досега не ја видел”
ДНК не ја кажува целата приказна зад гестациските компликации, нити може да го предвиди дополнителното влијание на повеќе фактори на ризик кои доаѓааат од животната средина, како што се пушењето и исхраната, кои играат важна улога во предвремените раѓања.
Но, прислушувањето на генетскиот разговор меѓу мајката и детето би можел да обезбеди витални детали потребни за да може да се пружи на новата личност најдобра шанса за започнување на животот.
