Вагинални пробиотски препарати ја одржуваат нормалната PH во вагината
Вагиналните инфекции можат да се појават и во тек на бременоста. Бремените жени можат да добијат вагинални инфекции во тек на нивната бременост поради пореметена рамнотежа на хормони и понекогаш заради паѓање на имунитетот. Вагиналните инфекции можат да се класифицираат како:
Бактериски вагинози – во принцип овие вагинални инфекции се појавуваат поради појавата на поволни услови за множење на бактериите и поради пореметена рамнотежа на хормоните. Ако се остава нетретирана, може да доведе до предвремено раѓање или ниска родилна тежина. Симптомите на овие инфекции обично се: тенко сиво-бело вагинално празнење, болка при мокрење, чешање околу вагината. Овие инфекции обично се третираат со Метронидазол или Клиндамицин.
Габични Инфекции или Вулвуларни Вагинитиси – обично се појавува со симптоми на чешање и печење во вагина, која скоро секогаш е предизвикана од растење на Candida, која спаѓа во нормална флора на вагината. Во период на бременост, покачувањето на нивото на естрогенот и прогестеронот, помагаат да се создаде еден вид на средина во која Candida може да напредува и да расте. Други причини на појавување на габични инфекции се употребата на антибиотици и сексуалните односи, при кои природниот Ph на вагината се пореметува. Симптомите обично се чешање, болка, црвенило, матно кисело бело-жолто празнење, понекогаш со мирис на печен леб, болка при сексуален однос и при мокрење. Третманот на овие инфекции се состои од антифунгална терапија (крем или вагинални капсули). Бидејќи се доста упорни и повторувачки овие габични инфекции се препорачува подолготрајна локална употреба на вагинални пробиотици.
Инфекции предизвикани од Стрептококус од групата Б (ГБС) – Нормално овие бактерии са наоѓаат во интестиналниот тракт, ректумот или вагината. Вашиот гинеколог ќе ви закаже термин за тестирање на ГБС во 35-37 недела на вашата бременост. ГБС е нормална флора на човечкото тело, и сеуште не е доволно познато зошто некои пациенти се разболуваат од овој вид на бактерија, а други не. Симптоматологијата се состои од печење при уринирање, понекогаш и болки, потреба од повеќепати одење во тоалет. Ако случајно сте позитивни при лабораториските анализи, тогаш докторот ќе ви препише антибиотици за да инфекцијата не поминува од мајката до детето при актот на раѓање.
Трихомониасис – е вагинална инфекција предизвикана од паразитот Трихомонас Вагиналис, која се шири преку сексуален однос од партнер до партнер. Кај жените инфицирани со овој паразит, има присуство на зеленикаво – жолта секреција од вагината, чешање, печење и болки при сексуален однос. Третманот на оваа инфекција се состои од употреба на антибиотици (метронидазол).
Како резултат на промените што настануваат во урогениталниот систем во текот на бременоста и падот на имунитетот кои доведуваат до горенаведените инфекции се препорачува како превентивна мерка употреба на вагинални пробиотски препарати („добри“ бактерии во комбинација со млечна киселина). Тие ја одржуваат нормалната Ph во вагината, ги инхибираат патогените соеви и го намалуваат нивниот број. Особено се препорачливи при антибиотска терапија заради одржување на рамнотежата на нормалната вагинална микрофлора.
Д-р Музајен Диша, специјалист гинеколог – акушер
