За избалансираност и здравје не е важно само што се јаде, туку и што се пие. Секогаш е подобро да одберете обична минерална вода, особено во жешките летни денови кога телото постојано губи течности преку потење
Неодамна прочуениот витамински пијалак познат како витаминска вода со додадени витамини и минерали промовиран е како здрав. Како и да е и колку витамини и да поседува, овој освежителен напиток е преоптоварен со шеќер, најчесто фруктоза и може да се каже дека претставува само подобра варијанта на обичните газирани сокови. Веќе е добро познато дека додадениот шеќер, без разлика од какво потекло е, може да предизвика сериозни проблеми кога се консумира во преголеми количини.
Исто така, речиси на никој организам реално не му се потребни повеќе од додадените нутритиенти од витаминските води. Производителите на ваквите сокчиња, исто така тврдат дека тие содржат природни бои и вкусови, во што тешко може да се поверува. Постојат и варијанти за дијабетичари, од типот „Zero“, без додаден шеќер. Тие најчесто се засладувани со Еритритол – Erythritol и рафинирано слатко соединение екстрахирано од растението стевиа – Stevia.
Витаминизираните води не се разликуваат од колите
Слично како што не постои разлика во штетноста помеѓу обичната и диеталната кола, така не постои и некоја голема разлика помеѓу виманинизерите и енергизерите споредени со колите. Витаминските водички имаат високо ниво на течен шеќер и може да содржат фруктоза колку што содржат и колите (црните зашеќерени освежителни безалкохолни пијалаци со карамелизиран шеќер). Постојат исто така разлики во тоа кој шеќер е употребен во производството од држава до држава. Во САД на пример ваквите пијалаци најчесто се засладувани со шеќер од шеќерна трска и кристализирана фруктоза. Кристализираната фруктоза е всушност чиста фруктоза (над 98%), додека шеќерот од шеќерна трска е во еднаков сооднос од глукоза и фруктоза. Консумирањето на пијалаци засладени со фруктоза, според научните студии ја намалува чувствителноста на инсулин кај луѓето со прекумерна телесна тежина.
Пијалаците засладени со шеќер многу дебелеат
Една од трите клучни работи за која сите нутриционисти ширум светот се согласни е намалувањето на внесот на шеќер. За избалансираност и здравје не е важно само што се јаде, туку и што се пие. Секогаш е подобро да одберете обична минерална вода, особено во жешките летни денови кога телото постојано губи течности преку потење.
Со витаминските водични – ги надополнувате изгубените минерали и течности, но надополнувате и непотребни количини на шеќер, кои за жал се таложат во вид на масти.
Научните студии потврдуваат дека зголемувањето на телесната тежина е директно поврзано со големото количество на консумирање засладени пијалаци.
Зашеќерените пијалаци го зголемуваат ризикот од разни типови на заболувања
Препорачливо е да се одржува нивото на внес на додаден шеќер под 10% од вкупните калории, а најдобро под 5%. За диета од 2.500 калории, 10% од вкупните калории соодветствува на 62 грама шеќер, следствено 5% е 31 грам шеќер. Во просек едно шишенце од ваквите витамински пијалаци, содржи 32 грама додаден шеќер. Тоа е веќе над дозволениот и препорачан лимит. Додадениот шеќер е причина за дијабетес тип 2, расипани заби, срцеви болести, па дури и рак, бидејќи клетките на ракот се хранат со шеќер, како што докажуваат научниците.
Сето ова пред сè се должи на фруктозата, која може да биде метаболизирана од црниот дроб во одредени количини. Вишокот на фруктоза може да е причина за зголемен холестерол во крвта и триглицериди, зголемен крвен притисок, зголемена резистантност на инсулин и масни наслаги околу органите. Срцевите болести и дебелината исто така се можни последици.
Треба да знаеме дека ова не се случува од фруктозата која ја добиваме од овошјето, бидејќи овошјето содржи вода и влакна и има ниско ниво на енергија. Затоа многу е тешко да се изеде премногу овошје.
Витаминската вода содржи микронутритиенти кои се всушност непотребни
Луѓето веќе консумираат премногу од овие микронутритивни состојки преку храната. Сите типови на витаминизирани води содржат Б витамини и Ц витамини. Некои типови содржат помали количества на А витамини и Е витамини и други, како и минералите: калиум, магнезиум, манган, цинк и хром. Витамините Б и Ц се витамини растворливи во вода кои речиси никогаш не му недостасуваат во исхраната на просечен човек.
Внесувањето на непотребни количества од овие витамини не обезбедува никаков вид на здравствена придобивка.
Тие не се складираат, туку едноставно се измивани од телото преку урината. Дури и на лицата на кои им недостасуваат овие витамини не им се препорачува пиење на вакви витаминизирани пијалаци „базирани на вода“. Тие не се добра идеја за надокнадување на потребите. Целите свежи производи се најдобар извор на витамини, а вистинските дефицити на витамини, најдобро е да се надоместат со суплементи на природна база.
