Кога се има услови и време, најдобро е да се туширае и наутро и навечер, но доколку мора да се одбере…
Експертите советуваат, доколку сакате подобро да спиете најдобро е да се истуширате пред да заминете во кревет на спиење.
„Една од најважните компоненти на нашиoт биолошки ритам во текот на денот е регулирањето на телесната температура. Приквечер, кога се приближува времето за спиење, температурата на телото природно паѓа, со што пак автоматски се активираат други компоненти кои нè подготвуваат за спиење.
Меѓутоа, многу често ние не одиме право во кревет, туку тоа го одложуваме при што нашето тело дополнително се лади, што пак подоцна го нарушува нашиот сон. Но овој проблем може да се реши едноставно, со топол туш“, објаснува за Хафингтон пост – The Huffington Post експерот за сон, Џеси Гембле – Jessa Gamble.
Џеси тој „трик“ го има наречено психолошка перница, и ги советува сите кои до тогаш се туширале наутро да ја променат својата рутина и да започнат со вечерни туширања.
Не само што ќе спиете подобро, туку ќе одите во кревет „почист“, покрај прашина и потта, туширањето ќе ве ослободи и од можниот стрес и напнатост кои се акумулирале во текот на денот.
Тоа не значи дека не треба да се истуширате и во утринските часови, доколку тоа ви одговара и ве прави посвеж, или доколку сте се испотиле во текот на ноќта.
