intervju-so-katerina-mitevska-poposka-trimeks_2
Споделете со пријателите!

Секогаш читателите да се трудат да ги добијат вистинските информации и да се едуцираат за значењето на суплементите и нивните полезности, кои се од интерес за нивното здравје и нивните специфични потреби
Катерина Митевска Попоска ќе ни објасни повеќе за нивните производи и ќе ни ја прикаже реалната слика за моменталниот пазар на суплементи, но и на што да обрнеме внимание при изборот на одреден суплемент.

Дали знаете дека разните „мулти“ формулации на витамини и минерали кои се нудат на пазарот најчесто се од синтетско потекло и се направени од човекот во лабораторија. Сепак, човекот е само лош имитатор на совршеноста на Мајката природа. Тајната на природните производи е во совршената избалансираност на сите состојки, ензими и елементи во трагови, кои допринесуваат за оптимална биолошка хранливост. Човекот има механизми за препознавање на производите кои не се од природно потекло и способноста за искористување на нивните состојки од страна на нашето тело и полезноста е до 50% пониска отколку кај производите од природно потекло, а исто така со многу такви производи може сериозно да се наруши здравјето и имунитетот, па дури и да се стане зависен. Затоа, пред да се одлучите што ќе земете како додаток во својата исхрана, размислете добро (мојот текст за митови и факти за суплементите).

Тримекс ДООЕЛ Скопје е основана во 1990 година со основна дејност дистрибуција на додатоци во исхрана и застапување на реномирани компании од САД од таа област како: Now Foods и Nutrex Hawaii. Тримекс нуди широк асортиман на производи започнувајќи од пробиотици, витамини, минерали, антиоксиданти, масни киселини, ензими, билки: Spirulina Pacifica, BioAstin, Super Omega 3-6-9, Omega-3, CoQ10, Acidophilus 4×6, Calcium Citrate, Saw Palmetto Berries, L-Carnitine, Rhodiola, Брусница, Лецитин од сончоглед, D-Mannose, OralBiotic, Bromelain, Maca, Ginkgo Biloba, Green Coffe Diet Support. Суплементите на Тримекс претставуваат производи за здравје, производи за живот. „Тие ја отелотворуваат чудесната моќ на природата и се комбинација на здравје, виталност и енергија. Уживајте во благодетите на природата без споредни ефекти.“ – велат претпоставените на Тримекс на нивниот Веб сајт.

Катерина Митевска Попоска е генерален менаџер на Тримекс Скопје. Таа ќе ни објасни повеќе за нивните производи и ќе ни ја прикаже реалната слика за моменталниот пазар на суплементи, но и на што да обрнеме внимание при изборот на одреден суплемент. На сите им е веќе познато дека синтетички создадената храна и додатоци за исхраната се штетни по здравјето и дека секогаш треба да се одбира природното или тоа што е од природно потекло. Меѓутоа производот може да биде класифициран како природен, а да содржи само 10% природен екстракт или природни состојки во себе, а останатите 90% да се вештачки произведени хемикалии. Колку природни се суплементите што ги нуди Тримекс? Зошто да ги одбереме токму вашите производи?

Ние веруваме дека природните производи се подобри од синтетитичките за поддршка на оптимално здравје и благосостојба. Нашиот избор на природни производи ни помага да се разликуваме од масовниот пазар, каде синтетичките замени се многубројни.

Ние, исто така, се разликуваме од многу компании во нашата индустрија кои тврдат дека продаваат природни производи. Сепак, кога ќе ги прочитате етикетите на нивните производи, ќе најдете многу синтетички состојки и адитиви. Потребно е да се разберат опасностите од синтетичките состојки и дека здравјето започнува со производи кои се природни што е можно повеќе.

Иако е важно да се знае она што е ставено во секој додаток на исхраната, подеднакво е важно да се провери што не е вклучено и зошто. Фирмите кои ги застапуваме, NOW Foods и Nutrex Hawaii, имаат стандарди за квалитет, стручни лаборатории и GMP инфраструктура, за да се гарантира токму она што нема да го најдете во било кој од нашите производи. Следниве елементи НЕ се присутни во било кој од нашите производи: вештачки бои, синтетички витамин Е, амино киселини во D-форма, ГМО-генетски модифицирана храна, cis-CoQ10, ефедрин, тешки метали, хормони, транс-масти, радијација, микроби, нано-технологија, штетни алкалоиди, пестициди и растворувачи, титаниев диоксид и фосфати.

Бидејќи не постои утврдена дефиниција на природно, производителите можат да тврдат дека нивните производи се природни дури и кога не се. Природните производи можат да содржат и ГМО, пестициди и хербициди и тие може да бидат развиени во лабораторија. Поради тоа се користат неколку принципи кои ги задоволуваат стандардите за природно: се бараат специфични и конкретни барања за суровините и состојките, се тестираат, се контролираат и се истражуваат.

Додатоците во исхраната денес се општо достапни и покрај во аптеките, можат да се купат без рецепта во било кој маркет и нив може да ги купи секој – од мало дете до стари лица во години. Но, кој треба да користи суплементи? Дали додатоците претставуваат само надополнување кога нешто во исхраната и во организмот ни недостасува или пак, може да се консумираат и за превенција од појава на одредени заболувања и за превенција од губење на конкретниот елемент/витамин/минерал?

Повеќето луѓе мислат дека земањето суплементи во целост го подобрува нивното здравје. Исто така, тие се употребуваат поради: збогатување на исхраната, додавање одредени витамини и минерали, спечување болести, подобрување на физичките можности и третирање одредени симптоми. Важно е следното: суплементите не се лекови, туку храна (додаток на исхраната).

Суплементите се употребуваат за одржување или зголемување на нивото на одредени хранливи и други состојки во организмот. Во зависност од тоа која е Вашата цел, се бира суплементот кој ќе се употребува. Состојките кои се внесуваат со суплементите веќе ги има во човечкиот организам и во секојдневната исхрана, но во помала концентрација. Но за да се поместиме од “мртвата точка”, односно да се подобри здравјето, исхраната, тежината, мастите, мускулната маса… неопходно е да се зголеми нивото на тие материи во организмот.

Суплементите се прерарати кои ја дополнуваат нормалната исхрана и претставуваат концентриран извор на витамини, минерали и други супстанци со хранлив и физиолошки ефект. Физичката неактивност, емоционалниот стрес, неправилната и неизбалансирана исхрана, пушење како и конзумирање алкохол се фактори на ризик за настанување на хронични заболувања меѓу кои најчесто се јавуваат: хипертензија, шеќерна болест, коронарна болест на срцето, васкуларни заболувања… Големите трошоци за лечење и свесноста на луѓето дека секојдневно се изложени на голем број фактори на ризик за хронични заболувања, ги тераат да се свртат кон превентивни активности во кои се вбројува и консумирање додатоци во исхраната.

Прочитајте:  5 работи што нè прават да се чувствуваме уморни

Дали суплементите може да се предозираат? Доколку може, кои се тие суплементи? Кои суплементи можеме да ги консумираме без да се плашиме од предозирање и нарушување на здравјето?

Иако целта на суплементите е да го подобрат и зачуваат здравјето на човекот, малку е познато дека во многу случаи истите можат да предизвикаат и проблеми, најчесто во ситуации кога се користат во комбинација со лекови или како замена за лекови и кога се земаат во големи дози. Особено ризично е ако се земаат во големи количини витамините: А, Д, железо и калциум. Особено треба да се внимава да не се зема премногу калциум затоа што вишокот ја спречува апсорпцијата на други хранливи материи потребни за здравјето на коските. Предозирање со железо е исто така штетно за организмот затоа што го зголемува ризикот од срцеви заболувања. Вишок на витаминот А, исто така има негативно дејство заради тоа што е штетно за црниот дроб.

Некои суплементи можат да предизвикаат и несакани ефекти пред, за време и после операција, затоа неопходна е консултација со лекар пред земање на било какви додатоци во исхраната. Секогаш е важно да се придржуваме до начинот на употреба на суплементите назначен на самата етикета и да не се надминува препорачаната дневна доза.

Понекогаш наместо да го снабдиме телото со потребните витамини и минерали, ние го добиваме спротивниот ефект. Ова најчесто се случува кога не знаеме што всушност ни фали во организмот. Но и покрај тоа, во одредени случаии суплементацијата е потребна, како на пример кај витаминот Д3, бидејќи скоро и го нема во храната, а може да има многу позитивно дејство. Кај вегетеријанците постои дефицит на витамин Б12, бидејќи тој е присутен во производите како месо, риба или јајца, а тие намирници не се внесуваат од нивна страна, па неопходно е нивно надополнување со суплементи. Кога се земаат суплементи, многу е важно правилно да се дозираат.

Иако бенефитите од користење на одредени суплементи се потврдени со факти, секогаш внимавајте пред да ги употребувате. Производите кои спаѓаат во најризичната група се препаратите за слабеење, бодибилдинг и зајакнувачи на либидо, на пазарот лансирани пред сè за мажите.

Проблемот кој исто така се јавува при производството на суплементи е набавката на суровини, а како што проценува Nutrition Business Journal, повеќе од 60% се од Кина. Се прават суплементи со незаконски и неквалитетни суровини во лаборатории за кој никој не знае, но на пазарот доаѓаат како „врвни“ спакувани производи.

Добро е познато дека од лековите може да се стане зависен. Дали може да се стане зависен од додатоците во исхраната?

Всушност проблемот кој може да се јави е од малку поинаква природа. Иако суплементите не предизвикуваат зависност, сè повеќе се јавува проблем на зависност од добар изглед. Употребувајќи суплементи многу полесно ќе дојдете до саканите резултати, но после престанување на консумирање на истите, многу е веројатно дека ако не се смени начинот на исхрана и живот, резултатите ќе бидат се помалку видливи. Значи, слободно користете суплементи, но секако, како и за сè во животот, не претерувајте.

Која форма на суплементи – тврди капсули, меки капсули, шумливи таблети, гел-таблети, прашоци, капки, масла и тн. – според Вас е најдобра за организмот, а која форма е најлоша?

Многу е важно да се добијат информациите од кои состојки се направени тврдите капсули, таблетите, прашокот, врзивните средства… со кои како финален производ се добива суплементот. Оваа информација е важна за самите потрошувачи за да се види дали тие состојки содржат алергени кои може негативно да влијаат на корисникот. Затоа Тримекс застапува производи од фирми кои се членки на TruLabel програмата (регулаторна програма за осигурување врвен квалитет во етикетирањето кај производителите на додатоци во исхраната и целосно откривање на сите состојки на етикетата на производите) со што се потврдува давањето на комплетни и вистински информации за суровините и состојките на суплементите за крајниот потрошувач. Затоа нутритивните етикети на нашите производи не лажат: ТОА ШТО Е НА ЕТИКЕТАТА Е ВО ПРОИЗВОДОТ!

Нашата филозофија на етикетите е едноставна. Етикетите на додатоците во исхрана на нашите производи се дизајнирани да им ги обезбедат на корисниците сите информации потребни за соодветно и целосно оценување на производот. Компаниите производители во изборот на состојки ја анализираат историјата на секој снабдувач, на профилот на состојки и ги следат точните правила на GMP. Состојките се предмет на тестирање за да се осигура чистота и потенција и да им се обезбеди на потрошувачите висок квалитет на секој производ и сигурност на името NOW Foods и Nutrex Hawaii на меѓународниот пазар. Целокупната линија на производи на NOW Foods и Nutrex Hawaii е подложна на независно тестирање од организацијата NNFA – National Nutritional Foods Association која се грижи за веродостојни и точни информации кои се наоѓаат на етикетата. Така што можете да бидете сигурни дека понудените производи од нашиот асортиман се со најдобар квалитет.

Ваша препорака до читателите на PharmaNEWS.mk? Ваше мислење за нашиот портал?

Секогаш читателите да се трудат да ги добијат вистинските информации и да се едуцираат за значењето на суплементите и нивните полезности, кои се од интерес за нивното здравје и нивните специфични потреби. Ние ги поддржуваме порталите како PharmaNEWS.mk кои даваат вистински информации за подигнување на нивото на информираност и едукација на потрошувачите за нивното здравје и правилна употреба на додатоците во исхтраната.


Споделете со пријателите!