uspesno-razdeleni-sijamski-bliznaci-od-haiti_1
Споделете со пријателите!

Летово успешно беа разделени сијамски близначиња од Хаити и тоа беше првата операција од овој вид во земјата. Откако во операционата сала влегоа споени, после околу седум часа близнаците ја напуштија салата на посебни креветчиња
Нема ништо невообичаено кога близначињата се држат за рачиња и меѓусебно делат прегратки. Шест месечните сестрички Мариан – Marian и Мишел Бернард – Michelle Bernard делат многу повеќе од тоа – тие беа родени со споен абдомен. Нивната иднина беше во рацете на Д-р Хенри Форд – Henri Ford. Тој е специјализиран педијатриски хирург и шеф на хирургија во детската болница во Лос Анџелес – Children’s Hospital Los Angeles. Тој ретко се враќа во својата родна земја, но тоа се променило кога се случил земјотресот. Кога овие споени близначиња се родија, нивните доктори го прашаа Д-р Форд дали оваа ризична операција може да биде спроведена на Хаити за прв пат.

Постапката барала софистицирана медицинска нега во земја каде што милиони луѓе сè уште немаат основна здравствена заштита.

„За мене тоа беше предизвик, но по природа хирурзите ги сакаат предизвиците“ – рече Форд. Поради земјотресот, Владата на Хаити и една непрофитна организација Partners in health ги здружија своите сили за да отворат модерна болница за обука во градот Mirebalais во 2013 година. Д-р Форд оформи тим од повеќе од дваесет здравствени професионалци волонтери од САД. Тие вежбаа со месеци на Хаити за успешно да ја спроведат операцијата на разделување на бебињата.

За да се избегнат забуните за време на операцијата, секој од присутните во операционата сала бил обележан со боја – црвената боја бил тимот на Мариан, додека пак, жолтата – тимот што бил задолжен за Мишел. Нацртана беше линија за да им покаже на хирурзите каде треба да сечат.

Прочитајте:  Несоница и нејзин третман

uspesno-razdeleni-sijamski-bliznaci-od-haiti_2Работите се одвиваа беспрекорно сè додека крвниот притисок на Мишел наеднаш почнал да опаѓа. Таа добила трансфузија и интравенозни течности, но бидејќи близнаците сè уште имале заеднички црн дроб, тие течности поминале низ крвниот систем на Мишел во телото на Мариан. Решение на овој проблем беше спроведувањето на сепарацијата што е можно побрзо.

Откако во операционата сала влегоа споени, после околу седум часа близнаците ја напуштија салата на посебни креветчиња. Д-р Форд е многу задоволен од оваа операција и поради фактот што е спроведена во неговата татковина.


Споделете со пријателите!