Времето поминато во седење заменете го со било која активност независно од нејзиниот интензитет
Вежбањето се повеќе се препознава како најблиската интервенција до чудотворниот лек кој го немаме – ЕЛИКСИРОТ НА МЛАДОСТА. Редовното движење не само што е од огромна корист за нашиот ум и тело, но, исто така, нè заштитува од многу аспекти кога станува збор за процесот на стареењето.
За една нова студија објавена во списанието на Американската асоцијација за срце, истражувачите откриле дека постарите луѓе кои поминале помалку време седејќи и повеќе време се движеле имале помалку знаци кои укажувале на срцеви заболувања. Научниците селектирале 1.600 британски волонтери на возраст од 60 до 64 години кои носеа сензори за регистрирање на срцева фреквенција во текот на пет дена.
Тие ги аналижирале нивоата на активност на учесниците правејќи споредба со показателите за срцеви заболувања, како што се прекурсори на холестерол и супстанција наречена интерлеукин-6. Генерално, учесниците со поголема активност имале пониски нивоа на сите негативни биомаркери.
Ефектите се разликувале и кога истражувачите ја разгледувале активноста на учесниците во 10-минутните интервали. На секои 10 минути поминати во некое движење – без разлика дали станува збор за пешачење, играње тенис или извршување работа во градината – било поврзано со мерливи подобрувања во барем еден вид биомаркери поврзани со здравјето на срцето.
Спротивно на тоа, на секои 10 минути поминати во седење биле добиени полоши резултати од биомаркерот.
Овие резултати доведуваат до зголемен број докази што сугерираат дека физичката активност може да го намали ризикот од срцеви заболувања.
„Важно е да се замени времето поминато во седење со било која активност независно од нејзиниот интензитет“, рече Ахмед Елхаким, авторот на студијата и професор по епидемиологија на Универзитетот во Бристол.
Две форми на вежбање може да бидат клучни за одржување на срцето и мозокот млади
Ова не е прв пат овие две форми на вежбање – кардио и тренинг за сила – да бидат поврзани со придобивки во поглед на стареење (anti age effects).
Аеробни вежби, или кардио, е типот на тренингот кој го зголемува пумпањето на срцето и води до зголемено потење, додека тренингот за сила помага да се одржува тонусот на мускулите кои исто така подлегнуваат на процес на стареење губејќи го својот тонус. Двата вида на вежбање се важни за срцето, чиишто мускули подлежат на стареење и со тек на време стануваат помалку еластични. Левата комора на срцето, која игра клучна улога во снабдување на телото со свежо оксигенирана крв, е особено подложна на оштетување поврзано со возраста.
Една неодамнешна студија објавена во јануари во списанието „Циркулација“ открила дека кај возрасните кои вежбале под надзор четири до пет дена неделно, биле забележани значителни подобрувања во перформансите на срцето во текот на две години, кога биле споредени со контролната група која правела само основни потези и балансирање.
Овие резултати укажуваат на тоа дека некои состојби на срцето може да се спречат или дури и да се променат со практикување на редовни аеробна вежби.
„Врз основа на серија студии спроведени од нашиот тим во текот на изминатите пет години, оваа ‘доза’ на вежбање стана мој рецепт за живот“, рече Бенџамин Левин, автор на студијата и професор по интерна медицина на Универзитетот на Југозападен Тексас.
Се чини дека редовното движење и вежбање има корист и за мозокот што старее
Во мај, е направен голем преглед на речиси 100 студии објавени во списанието „Неврологија“: Клиничката пракса открива дека постарите луѓе кои вежбале 40 минути три пати неделно покажале значителни когнитивни предности во споредба со луѓе кои вежбале помалку или воопшто не вежбале. Придобивките од активноста вклучуваат подобро процесирање на информација и супериорни перформанси на тестовите кои ги мерат вештините како што е управување со времето и способност да обрнат внимание.
Ова е доказ дека всушност можете да го вратите часовникот за стареење во вашиот мозок со практикување на редовна физичка активност.
Интензитетот на тренингот е помалку важен отколку редовното практикување
Зголемениот број на докази укажуваат на тоа дека времето кое го поминувате на едно тренингот е помалку од вкупното време кое го поминувате во салата во текот на долги периоди. Тоа значи дека дали тренингот е пет или 50 минути помалку важно од тоа дали редовно практикувате вежбање – најмалку неколку пати неделно.
Американското здружение за срце препорачува најмалку 150 минути неделно вежбање со умерен интензитет како одење или 75 минути неделно поминати во интензивна физичка активност како кик-бокс, заедно со вежби за тонус на мускулите два или повеќе пати во неделата.
